Falimentimi i Greqisë shton numrin e shqiptarëve në psikiatri

9 Mars 2015, 17:45, Lifestyle CNA

Për 1 vit është shtuar me 1000 numri i personave që vuajnë nga probleme mendore. Kështu deklaron për ?Shëndet+? Leonard Lleshi, kryeinfermier pranë Psikiatrisë së Tiranës.

?Është shtuar vërtet shumë numri i personave që vuajnë nga probleme mendore. Nëse do t?u hidhni një sy statistikave, do të shikoni që për një vit numri i tyre është rritur me 1000. Ajo që ?habit? më tepër është mosha mesatare, 25-35 vjeç dhe më të prekurat janë kryesisht femrat?.

Sigurisht që gjithë ky fluks pacientësh ka sjellë edhe probleme të tjera në pavione, si për shembull pamundësia për t?i përballuar të gjitha rastet, sidomos me shtretër, pasi kapaciteti i spitalit është më i vogël në raport me numrin e të sëmurëve që kanë nevojë për hospitalizim.

I pyetur se cilat janë shkaqet më të shpeshta që i çojnë njerëzit deri në këtë gjendje, Lleshi shpjegon se një ndër shkaqet kryesore është divorci. ?Nëse do të shikoni në statistika, është rritur numri i çifteve që shkojnë drejt divorcit. Ka persona që nuk e përballojnë dot situatën duke shkuar deri në probleme të rënda psikike. Një tjetër shkak i shpeshtë këto kohë është edhe ?falimentimi? i shtetit grek. Ne e dimë që numri i shqiptarëve emigrantë në Greqi ka qenë shumë i madh. Pas krizës që pësoi Greqia një numër jo i vogël njerëzish/familjesh u detyruan të ktheheshin në Shqipëri. Sigurisht janë mësuar me standarde të tjera jetese dhe e kanë të vështirë të përballen me problemet që ka vendi ynë. Gjithsesi, është e vështirë t?ia nisësh nga e para. Për disa rezulton edhe e pamundur. Ka edhe shumë shkaqe të tjera të cilat janë të njohura?.

I pyetur sesa janë mundësitë për trajtim, Lleshi përgjigjet: ?Mundësitë për trajtim janë shumë të mëdha. Ne përpiqemi të japim maksimumin tonë, duke i ndihmuar ato. Por, nuk duhet të mohojmë që ka edhe mangësi. Për shembull numri i madh i pacientëve, siç e theksova, edhe më sipër shkon mbi kapacitetet tona. Kushtet për trajtuar pacientët me probleme të tilla që kanë nevojë për përmirësim. Edhe pse këto nuk janë arsye që ne të lëmë pacientët pa shërbim, përkundrazi.?

Shendeti.com.al