web counter
LEXO PA REKLAMA!

SHKARKO APP

App Store
Google Play

Mark Frroku braktis Doshin, mazhoranca ruan shumicën prej 84 votash

5 Mars 2015, 10:15, Politikë CNA

Largimi i Tom Doshit i çon numrat e mazhorancës në kufirin ekstrem, pra në 84 vota në Kuvend. Por, dyshimet se pas Tom Doshit, mund të lëkundej edhe ndonjë deputet tjetër krijoi njëfarë pasigurie dhe nervozizmi tek kryeministri Edi Rama. Ben Blushi ka qenë mjaft kritik ndaj qeverisë, madje në mbledhjen e fundit të mbledhjes së grupit parlamentar socialist, u përfshi në një debat të fortë me Edi Ramën, por Blushi nuk ka dhënë asnjë sinjal se mund ta përdorë votën e tij, kundër reformave.
Pas Blushit, në diskutim ishte edhe deputeti Mark Frroku, i cili disa muaj më parë ka pasur një përplasje me kryeministrin Edi Rama për Jozefina Topallin. Por, në mazhorancën qeverisëse duket se është kthyer siguria, sa i takon ruajtjes së shumicës prej 84 votash. Deputeti Mark Frroku, në një prononcim për gazetën ?SOT?, deklaroi se është pjesë e mazhorancës dhe se do të mbështesë mazhorancën, duke konfirmuar kështu se nuk është pjesë e linjës së Tom Doshit. ?Patjetër që do ta mbështes qeverinë. Unë vendimet i marr kolegjialisht dhe jo në mënyrë individuale. Unë jam në një parti parlamentare dhe jam pjesë e mazhorancës. Do jem pjesë e mazhorancës edhe në zgjedhjet lokale që po vijnë?, ka deklaruar Mark Frroku.
Sipas burimeve, ka negociata për kalimin e dy deputetëve të Partisë Demokratike në kampin e mazhorancës. Dy deputetë demokratë, kundërshtarë të hapur të linjës së Lulzim Bashës, pritet të braktisin SHQUP para zgjedhjeve lokale, për t?iu bashkuar mazhorancës. Ndërkaq, paralel me lëvizjet për maksimalizimin e numrave në Kuvend, mazhoranca po punon edhe për thithjen e partive të djathta, me peshë reale në elektorat, për t?i bashkuar me koalicionin e shumicës në pushtet. Lajmi është konfirmuar nga deputeti Taulant Balla, një ndër bashkëpunëtorët më të besuar të kryeministrit Edi Rama. ?Shumë shpejt do të shihni edhe parti të djathta që do t?i bashkohen koalicionit të mazhorancës në ditët në vijim?, ka deklaruar Balla.





Lajmet e fundit nga