web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet videoja-bombë e Spartak Brahos, Doshi-Bami përgatitën inskenimin në Fushë-Krujë

5 Mars 2015, 07:09, Politikë CNA

Burimet tregojnë se në videon që do të publikohet sot nga kryetari i Komisionit të Sigurisë Kombëtare, Spartak Braho, në sallën e Kuvendit, zbardhen raportet e vërteta mes Tom Doshit dhe të pretenduarit si vrasës me pagesë, Durim Bami. Videoja do të tregojë se pretendimet për vrasje me porosi janë sajime, alibi dhe inskenime, për qëllim enigmatike, por që gjithçka u tentua të përdoret dhe po përdoret nga Sali Berisha, në funksion të iluzioneve të tij për t?u kthyer një ditë në pushtet, jo më me votë popullore, por me makinacione, regjizura, truke dhe trazira.

Bëhet fjalë për filmimin e Tom Doshit me Bamin në një lokal në Fushë-Krujë, ku është inskenuar edhe ngjarja. Në videon e Brahos, shfaqet edhe një deputet tjetër i mazhorancës qeverisëse, i cili është pjesë e kësaj loje. Po ashtu, i përfshirë është edhe një gazetar i njohur. Regjistrimi përmban pjesë të regjistrimit të këtyre personazheve. Mësohet gjithashtu se përmbajtja e bisedave dëshmon se e gjithë ngjarja që ka trazuar ditët e fundit politikën shqiptare është thjeshtë një inskenim dhe fantazi e tepruar. Sipas burimeve, bëhet fjalë për një përgjim të policisë, pas dyshimeve se pretendimet e Doshit ishin inskenim.

Ndërkaq, videoja do të ketë elemente kompromentuese edhe për Sali Berishën, i cili nxitoi me një ofensivë sulmesh verbale dhe lëvizjesh politike kundër mazhorancës qeverisëse, shkruan e përditshmja ?Sot?.

 





Lajmet e fundit nga