web counter
LEXO PA REKLAMA!

SHKARKO APP

App Store
Google Play

Akuzat e Doshit/ Ristani: Deklarata e Tahirit, kontradiktore

4 Mars 2015, 20:36, Politikë CNA

Sekretari i Përgjithshëm i Partisë Demokratike, Arben Ristani, ka kërkuar dorëheqjen e Ministrit të Brendshëm Saimir Tahiri. Ristani ka komentuar deklaratën e ministrit Tahirit  mbajtur nga ai ditën e sotme lidhur me akuzat e Tom Doshit. Sipas Ristanit qytetarët janë tronditur kur morën vesh që ministri i Brendshëm ishte i implikuar në gjithë këtë ngjarje kriminale. Sekretari i Përgjithshëm i PD u shpreh se Tahiri ra në kontradikta me versionin e tij dhe të Drejtorit të Përgjithshëm Artan Didi. Më parë Didi ka deklaruar se nuk e ka takuar atentatorin e mundshëm të Doshit, ndërsa ministri sot dëshmoi të kundërtën. Partia Demokratike ka kërkuar dorëheqjen e ministrit të Brendshëm Saimir Tahiri.

Deklarata e plotë e Sekretarit të Përgjithshëm Arben Ristani:

-Didi e ka mohuar, por Saimir Tahiri, tha sot se Drejtori i Përgjithshëm i Policisë është gënjeshtar, pasi ai e ka takuar personin e dyshuar si atentator e që ka marrë porosinë për të vrarë dy deputetët. Ministri i Brendshëm, pranoi sot se është marrë privatisht me këtë ngjarje, pasi ka bërë takime informale me personin që dyshohet si atentatori i paguar, madje edhe në shtëpi plazhi.

-Ne i kërkojmë sot Ministrit të Brendshëm të japë dorëheqjen. Mbarë publiku, mbarë qytetarët kanë parë me zë e me figurë sot, se Saimir Tahiri është një ministër rendi që bën pazare me vrasjet e komplotet, e kur paktet dështojnë, e kur bomba u shpërthen në duar, atëherë del e lëshon mjegull sërish duke penguar zbardhjen e ngjarjes.

-Partia Demokratike e ngriti kauzën e dekriminalizimit që në momentet e para dhe i qëndroi kësaj kauze deri në fund, megjithë pengesat, mungesën e vullnetit dhe dhunën e ushtruar nga dyshja Rama-Meta. Por koha nuk pret. Dekriminalizimi është nevojë urgjente, dhe duhet të nisë nga etërit krijues të inkriminimit masiv, horizontal e vertikal. Eshtë ora kritike për ta ndalur këtë të keqe. Dhe ne bashkë me qytetarët do t?ia dalim. Do ta bëjmë çdo ditë betejën me krimin e tutorët e tij në pushtet, dhe do ta fitojmë këtë betejë.

 





Lajmet e fundit nga