GRETA dhe HIENAT E OPINIONIT PUBLIK

22 Shkurt 2015, 13:46, Aktualitet CNA

Nga Besnik ALIAJ

Greta Koci eshte nje kengetare e re dhe e bukur, te cilen nuk e njoh direkt pervecse nga televizioni dhe muzika e saj. Edhe pse muzika e saj nuk hyn ne preferencat mia, une respektoj maksimalisht angazhimin e saj me perkeshtim ne art qe femije. Se fundi respektoj edhe angazhimin e saj civil ne politike, sepse sot cdo kush ka te drejte te zgjedhe ne liri menyren se si e jeton jeten e vete dhe si artikulon kontributin ne shoqeri. Aq me teper qe ketij vendi i duhen desheperimisht sa me shume njerez te rinj e pozitive qe te jene aktiviste e idealiste.

Nderkohe para pak ditesh u njoftua se Greta pati nje aksident me makine ndersa me aktiviste te tjere te FRPD priste ndihmat nga Kosova per ti cuar ne zonat e permbytura ne jug te vendit. Ngjarja mori vemendje mediatike dhe te politikes. Por pa u sheruar akoma mire Greta, ne mediat sociale u leshuan nje lume “akuzash” e ofendimesh per te. Qe te jemi sa me koncize thelbi sulmeve ishte: “… Per aq sa Greta merret me politike, ne do merremi me jeten e saj” … dhe akoma me keq .. “Greta nuk ishte per ndihmat ne Vlore , por me te dashurin e saj.” … etj etj, si keto qe jemi mesuar tani ti degjojme me shumice nga ato qe une i quaj “hiena” te opinionit publik.

Ne fakt duke lene menjane cdo emocion politik dhe duke e rrafshuar diskutimim ne planin sa me njerezor, me duhet te them se kjo gjuhe eshte aq banale sa nuk ja vlen te merresh me te. Se cfare zgjedhjesh ben Greta per jeten e saj pak rendesi ka per publikun, pervecse kuriozitetit ballkanas apo gazetave roze qe hane buke me mediokritetin e shoqerise. Edhe fakti qe ajo eshte aktiviste politike nuk justifikon asnje hetim, pergojim apo akoma me keq diskretitim te jetes se saj personale, e cila nga ata qe e njohin mire Greten s’ka lidhje fare me sa thuhet me siper.

Ajo qe ka trazuar ujrat ne te vertete e qe nuk thuhet ka te beje me dy te verteta te medha:

1. Aktivizmi qytetar dhe politik i Gretes dhe te rinjve ne FRPD shqetesoi pa mase politikane e pushtetare pasi nxorri ne pah deshtimin e tyre dhe te administrates ne perballjen e pasojave te krizes se permbytjeve, kur njerezit u lane ne mes te rruges. Dhe shembulli fisnik i Gretes hapte shume telashe, nderkohe qe dikush deshironte sa me pare qe subjekti i permbytjeve dhe imazhet apokaliptike te demeve te mos dilnin me ne asnje media si “headlines”. Prandaj u stis diskretitimi Gretes, dhe ne kete menyre edhe i FRPD/Opozites. Kjo i shkonte shume per shtat linjes zyrtare, ndaj dhe sajuan me urgjence shpifjet ne fjale ne mediat sociale ku ende nuk vepron asnje ligj e rregull per ate qe thuhet. Greta nuk duhej bere faktor, ne te kundert ajo duhej “diskretituar” ndaj dhe u hedh ai helm.

2. FRPD organizon se shpejti zgjedhjet e rradhes dhe Greta me sa duket eshte nje kandidate serioze potenciale qe mund te kandidoje suksesshem si Kryetare e Forumit Rinor. Dhe ne kete pike xhelozite ndaj saj shtohen ne maksimum. Aq me teper qe ne politiken shqiptare te rinjte gjithmone jane “masakruar” qellimisht per t’i nenshtruar te pranojne sundimin e establishmentit politik tradicional post-komunist.

Ndaj Greta Koci, pac sherim sa me te shpejte! Sukses si ne art, edhe ne garimin politik. Vijo pa me te voglin dekurajim edhe me aktivizimin tend qytetar e njerezor qe trondit statsquo-ne politike dhe sociale te nje shoqerie qe ende ka problem me vetveten, sinqeritetin dhe lirine.