Dhuna ndaj Strazimirit/ Prokuroria presion tre deputetëve të PS për t'u diktuar dëshminë

22 Shkurt 2015, 11:58, Aktualitet CNA

Procesi gjyqësor për çështjen e rrahjes së deputetit të Partisë Demokratike, Gent Strazimiri, me të akuzuar deputetët Arben Ndoka dhe Pjerin Ndreun, ka futur në një spirale përqasjesh Prokurorinë e Përgjithshme, dëshmitarët, Policinë e Shtetit dhe Gjykatën e Lartë.

Objekt i përplasjeve është bërë mungesa e dëshmitarëve në seancën e fundit gjyqësore në Gjykatën e Lartë, por edhe një tendencë e organit të akuzës për të diktuar dëshmitë kundër dy deputetëve, Pjerin Ndreu dhe Arben Ndoka. Elementi i parë lidhet me mungesën e deputetëve të Partisë Socialiste, Parid Cara dhe Armando Prenga, në cilësinë e dëshmitarëve në gjyqin ndaj dy kolegëve të tyre, të akuzuar nga prokuroria për rrahjen e Gent Strazimirit në Kuvend për shkak të detyrës.

Në seancën e kaluar, prokuroria kërkoi që dy dëshmitarët të silleshin me forcë, me anë të policisë, në gjykatë për të dëshmuar. Ndërkaq, seanca e radhës gjyqësore do të zhvillohet ditën e hënë në Gjykatën e Lartë. Por, para kësaj seance, ka pasur një komunikim tensionues të katër komponentëve, prokurorisë, gjykatës, policisë dhe dy dëshmitarëve deputetë.

Sipas gazetës ?Sot?, prokuroria ka ushtruar presion mbi dy deputetët e Partisë Socialiste, për t?i detyruar që të dëshmojnë në seancën e radhës të gjyqit për rrahjen e Strazimirit. Kërkesat e përsëritura të prokurorisë ndaj dy deputetëve dëshmitarë, është shoqëruar me paralajmërime, lidhur me pasojat që vijën nëse refuzimi përsëritet. Ndonëse ka dy deputetët kanë qenë të angazhuar, siç thonë ata, në disa probleme familjare, prokuroria ka shtuar presionin, deri në kërcënim.

Mbi dy deputetët po ushtrohet gjithashtu presion sa i takon përmbajtjes së dëshmisë në seancën e radhës. Sipas burimeve, organi i akuzës i akuzës ka paralajmëruar deputetët se do të kërkojë procedim penal, nëse ata do të ndryshojnë dëshminë. Edhe deputetja, Klodiana Spahiu, rrezikon të procedohet penalisht, pasi sipas prokurorisë, zonja në fjalë ka devijuar dhe ndryshuar dëshminë, në lidhje me atë çdo ajo ka parë ditën e rrahjes së Strazimirit dhe me çka ka deklaruar fillimisht në prokurori.