E fundit!

21:44 Politikë

Kërkesat e protestuesve/ Klosi “ia pason” opozitës: Kanë krijuar vakuum politik, qytetarët nuk përfaqësohen

Sekretari i Përgjithshëm i Partisë Socialiste, Blendi Klos...

Greqia shpëtoi nga katastrofa- për dy ditë

22 Shkurt 2015, 08:59, Aktualitet CNA

Robert Peston

Greqia dhe Gjermania u tërhoqën nga zgripi i greminës. Dhe për momentin, Greqia mbetet në eurozonë.

Por, mund të jenë me muaj negociatat e tensionuara përpara se të jetë e qartë nëse ekonomia dhe financat e këtij kombi të përplasur nga recesioni të kthehen në një ecuri të qëndrueshme.

Në fakt, ajo për të cilën u ra dakord të premten garanton që nuk nuk do të ketë krizë të re, asnjë druajtje që Greqia mund të largohet nga eurozona, për dy ditë të tëra.

Kjo pasi të hënën në mbrëmje, Qeveria e Syrizës duhet të dorëzojë një listë paraprake propozimesh për reforma ekonomike, të cilat do të formësojnë bazën e negociatave deri në fund të prillit për një marrëveshje të re financiare për vendin.

Nëse eurogrupi do të refuzonte këtë listë paraprake, në teori të gjitha bastet nuk do të ishin të vlefshme dhe do të ktheheshim të pyesnim nëse Greqia do të jetë brenda apo jashtë euros.

Sa për thelbin e deklaratës së eurogrupit, në mënyrë të paevitueshme si Gjermania ashtu edhe Greqia pretenduan fitore.

Me siguri, gjermanët kanë fituar për çështjen e formës, në këtë drejtim ministry I Financave greke, Janis Varufakis ra dakord në fund për zgjatjen katërmujore të paketës aktuale të shpëtimit, gjë që ishte diçka që qeveria ishte betuar se nuk do ta bënte kurrë.

Gjithashtu, monitoruesit dhe përforcuesit e marrëveshjes do të mbeten Brukseli, FMN dhe Banka Qendrore Europiane, e ashtuquajtura Trojka që kaq shumë e urren Syriza (edhe pse deklarata me kujdes e ka shmangur përdorimin e termit të tmerrshëm për trekëmbëshin)

Dhe gjuha e përdorur në deklaratë është e gjitha ajo që grekët premtojnë ?të përmbushin detyrimet e tyre ndaj gjithë kreditorëve plotësisht dhe në kohë dhe që do të zbatojnë masa për të garantuar qëndrueshmërinë e borxhit në përputhje me deklaratën e nëntorit 2012 të eurogrupit?.

Por së bashku me gjuhën e ndershmërisë gjermanike fiskale, Varufakis qartësisht ka siguruar hapësirë të rëndësishme për të luajtur. Ka mjaftueshëm gjëra në deklaratën e eurogrupit për të garantuar festime në Athinë.

Fakti që qeveria e Syrizës do të dorëzojë listën e vet të propozimeve për reformat ekonomike dhe financiare që të zëvendësojë ato për të cilat janë zotuar pararendësit është një arritje- edhe pse sigurisht gjermanët sërish mund të vendosin veton për atë që do të propozojë Syriza në fund.

Thënë kjo, Varoufakis ishte shumë I qartë se Qeverisë së tij nuk I kërkohet të zbatojë shkurtime pensionesh apo rritjes taksash të cilave ajo u ka rezistuar.

Nga ky këndvështrim, ajo që ka më shumë rëndësi është se ai beson se I është dhënë drita jeshile për të lehtësuar masat e kursimit, shkurtimin e shpenzimeve dhe rritjen e taksave, më pak sesa ishte angazhuar të bënte administrata përpara tij. Si është e vërteta?

Tani, për vitin 2015, deklarata e eurogrupit thotë se teprica buxhetore përjashtuar pagesën e interesave, do të përcaktohet duke marrë në konsideratë ?rrethanat ekonomike?.

Kjo, thotë Varufakis do të thotë se Greqia nuk është më tej e detyruar të gjenerojë një tepricë buxhetore prej 3 për qind.

Dhe në terma afatgjatë, ai ka besim se Greqia edhe më tej nuk do të duhet të gjenerojë teprica më të larta se 3 për qind, gjë që sërish ishte premtuar nga qeveria e shkuar.

Për ta thënë ndryshe, ai beson sinqerisht se e ka liruar Greqinë nga prangat e kursimit.

Ajo që është më pak e qartë është nëse gardiania, Gjermania, gjithashtu mendon se Greqisë i është liruar litari dhe mund të lëvizë pa barrën e të pasurit rritje taksash dhe shpenzime të ulëta publike.

Për ta thënë ndryshe, mund të jetë e arsyeshme që athinasit të festojnë sonte, por gjermanët mund t?ua fikin ende dritat.