E fundit!

21:44 Politikë

Kërkesat e protestuesve/ Klosi “ia pason” opozitës: Kanë krijuar vakuum politik, qytetarët nuk përfaqësohen

Sekretari i Përgjithshëm i Partisë Socialiste, Blendi Klos...

Caro poliziotto

22 Shkurt 2015, 12:29, Aktualitet CNA

Elvi FUNDO

Po e nis shkrimin pak si italisht për ti treguar dashurinë policëve që ushtrojn dhunë mbi një të ri në Korcë. Dhunë, sepse u gërvisht makina e nën/drejtorit dhe ky i fundit bënte sehir si pasha, policia torturonte një qytetar në mes të rrugës.

Cdo ditë ndodhin përplasje dhe aksidente, po njerzit nuk sakatohen sepse makina është e nën/drejtorit. Dhe ajo që ka ndodhur është edhe më e rëndë sesa u trajtua në media. Duket në kamera qartë që s?ka asnjë debat, thjesht i riu rrihet pasi komunikon me policët. Më pas ai është rrahur dhe masakruar edhe në qelitë e komisariatit të Korcës.

I ndaluari është cuar në spital pas dhunës nga policia. Pas kësaj del dhe gënjen e cicëron policia. Jo kundërshtoi, jo i gjuajti, si gjithmonë kërkon të mbulojë djellin me shoshë. Në video duket qartë kush gjuan dhe ska asnjë shkak për dhunë. Por ata që e quajnë vetën policë kërkojnë të japin leksion në mes të qytetit. Rahin një qytetar që ta shohë nën/drejtori.

Por në fakt nën/drejtori së bashku me të tjerë në atë polici të Korcës janë përgjegjësit kryesore për gjithcka ndodh. Për një qytet ku policia akuzohet se mbron abuzimet dhe korrupsionin, një qytet ku policia përfshihet në skandale dhune, një qytet ku policia është kthyer në cetë politike dhe keqpërdoret ndaj qytetarëve.

Policia e Korcës është në atë gjendje skandaloze sepse korrupsioni e ka pushtuar në cdo qelizë, sepse militantë dhe njerëz të lidhur më krimin u kthyen dhe futën ne polici. Janë rikthyer me dhjetra policë të cilët janë larguar pikërisht për dhunën dhe terrorin që ushtronin, janë po ata të korruptuar që punonin në polici bashkiake dhe mbaheshin nga Partia në Korcë si grup terrori gjatë zgjedhjeve.
Korca ka të vetmen polici të vërtetuar që punon me dy standarte dhe ka jo pak hije korrupsioni.

Për bllokimin e rruges ne Qaf-Thanë, policia arrestoi disa persona dhe i coi në prokurori. Ndërsa në Korcë kur akulli pushtoi qytetin dhe janë mbi 60 persona të plagosur në regjistrat e spitalit askush nuk lëvizi. Vetëm pasi bënë zhurme mediat për 10 ditë rresht, lëvizi firma dhe bashkia. Policia bënte sehir, sesi bashkia tallej me qytetarët duke ju thënë, pastrojeni vetë, megjithëse kishte bërë një tender 560 milion lekë për pastrimin ku përfshihej edhe pastrimi nga dëbora. Një vjedhje publike që policia e bënte sehir. Drejtori i qarkut Edmond Targaj atëherë u shpreh se do fillojnë hetimet, që në fakt nuk nisën kurrë.
Rasti i mësipërm tregon standarte të dyfishta dhe faktin që policia mbron korrupsionin, me tej ushtron dhe dhunë mbi qytetarët, ndërkohë policia pushtohet nga ish struktura dhunuese dhe politike. Atëherë cfarë tjetër emri mund ti vemë kësaj policie në Korcë vecse ti flasim italisht dhe me dashuri ?Caro poliziotto?. Aq e dashur sa i shkon fjala popullore ?ai që të rreh, ai të do?. Versioni i fundit policia të rreh nga dashuria????

Dhunuesit së bashku me përgjegeësit, kryesisht nën/drejtori, duhen përjashtuar përjetësisht nga policia. Policia e Korcës në shumë nivele të saj ka nevojë për ndryshime rrënjësore pasi korrupsioni dhe dhuna po i pushton cdo qelize dhe që të mos i flasim italisht, por ta mbështesë cdo qytetar duhet të kryejë detyrën e saj e cila është shërbim ndaj qytetarit jo terror dhe masakrim i tyre.