web counter
LEXO PA REKLAMA!

SHKARKO APP

App Store
Google Play

E fundit!

x

Ukraina/ SHBA akuzon Rusinë për shkelje të marrëveshjes

18 Shkurt 2015, 08:47, Aktualitet CNA

Shtetet e BAshkuara akuzuan Rusinë për shkelje të marrëveshjes së Minskut, ndërsa Këshilli i Sigurimit të OKB0së votoi unanimisht miratimin e armëpushimit. Zëvendëspresidenti amerikan Joe Biden tha se kostoja për Rusinë do të rritet nëse vijon të shkelë marrëveshjen.
Luftimet nuk janë ndërprerë rreth qytetit strategjik të Debaltseves, ku separatistët prorusë deklarojnë se janë nën kontroll të pjesës më të madhe të territorit.
Ka raportime në media se trupat qeveritare të Kievit janë duke u tërhequr. Kjo lëvizje vjen ndërsa presidenti rus, Vladimir Putin apeloi trupat e Ukrainës të dorëzohen.
Edhe pse Këshilli i Sigurimit në mënyrë unanime aprovoi rezolutën e hartuar nga rusët për të mbështetur marrëveshjen e armëpushimit në Minsk, fjalë zemërake u shkëmbyen midis ambasadorëve.
Përfaqësuesja amerikane, Samantha Poëer tha se Rusia duhet të provojë angazhimin e saj për paqe.
?Ndaloni armatosjen e seperatistëve, ndaloni dërgimin e qindra armëve të rënda përgjatë kufirit, e trupat tuaja. Ndaloni së pretenduari se nuk po bëni atë që po bëni?, tha ajo.
Poër shtoi: Rusia nënshkruan marrëveshje dhe pastaj bën gjithçka që mundet për t?i minuar ato. Rusia promovon sovranitetin e kombeve dhe pastaj vepron sikur kufijtë e fqinjëve nuk ekzistojnë?.
Ambasadori rus në OKB, Vitali Churkin i cilësoi komentet e saj ofenduese.
Ndërkaq, zëvendëspresidenti amerikan Xho Bajden pasi telefonoi presidentin e Ukrainës, Petro Poroshenko tha se Uashingtoni dënon ashpër shkeljen e armëpushimit nga separatistët në bashkëpunim me forcat ruse, në dhe rreth qytetit të Debaltseves.





Lajmet e fundit nga