web counter
LEXO PA REKLAMA!

SHKARKO APP

App Store
Google Play

Laboratori i kokainës/ Dy kolumbianët ndryshojnë avokat

18 Shkurt 2015, 08:00, Aktualitet CNA

Dy kolumbianët e arrestuar në laboratorin e drogës në Xibrakë më 14 janar të këtij viti, marrin si mbrojtës të tyre avokatët e dy të dyshuarve të tjerë të grupit. Burime nga organi i akuzës kanë bërë me dije se avokati Ardian Leka që mbron interesat ligjore të të arrestuarit Gentjan Gjonajt, i dyshuar si organizator në këtë trafik ndërkombëtar të kokainës, ka marrë në mbrojtje njërin nga kolumbianët, Cesar Morena. Po ashtu mësohet se mbrojtësi i Ilir Hysenit, i cilësuar si koka e grupit të trafikut të drogës, Ferdinant Doja, ka marrë nën mbrojtje kolumbianin tjetër Valter Morenon. Sipas gazetës ‘Sot’, fillimisht ata janë mbrojtur nga dy avokatë të zgjedhur kryesisht nga drejtësia shqiptare, ndërsa papritur shihet ndryshimi i mbrojtjes së tyre dhe pikërisht vihen nën mbrojtjen e dy avokatëve që janë në mbrojtje edhe të të dy të arrestuarve të tjerë të grupit të kokainës, Ilir Hyseni dhe Gentjan Gjonaj. Ky ndryshim i mbrojtjes së tyre ka ngjallur dyshime të mëdha në organin e akuzës, pasi sipas tyre ata e bëjnë me qëllim që kolumbianët të mos bashkëpunojnë me drejtësinë e të mos nxjerrin ndonjë emër tjetër të personave që kanë qenë pjesëmarrës në këtë grup kriminal në trafikimin e lëndës narkotike.





Lajmet e fundit nga