web counter
LEXO PA REKLAMA!

SHKARKO APP

App Store
Google Play

E fundit!

x

12 mënyra të thjeshta për të qenë më tërheqës

17 Shkurt 2015, 20:40, Aktualitet CNA

Të gjithë duam një gjë: si të jemi më tërheqës. Por qëllimi për të qenë i tillë, ndryshon. Cili është qëllimi yt? Për të lënë përshtypje tek të tjerët me fizikun tuaj, ndiqni këto këshilla të thjeshta dhe do habiteni sesi funksionojnë!

1.Buzëqeshni
Mbani një fytyrë të qeshur. Kur buzëqeshni, dukeni më miqësorë dhe të afrueshëm. Njerëzit ndihen rehat kur kanë të bëjnë me ju. Buzëqeshni, pak rëndësi ka sesi ndiheni brenda!

2.Kujdesuni për qimet e fytyrës
Është e rëndësishme të kujdeseni për qimet e fytyrës. Meshkujt duhet të rruhen rregullisht. Nëse doni të mbani mjekër të gjatë, duhet të kujdeseni për formën e saj. Femrat do bënin mirë t’u jepnin formë vetullave.

3.Kujdesuni për flokët.
Flokët janë kurora juaj! Ndaj kujdesuni për to. Pamja e këndshme është hapi i parë për të tërhequr dikë. Qethuni rregullisht, pasi shëndeti i flokëve është i rëndësishëm. Mbajini të pastër dhe të rregullt. Kjo ka shumë rëndësi për një pamje tërheqëse.

4.Mbani veshje pas trupit
Veshja është shumë e rëndësishme. Njerëzit pëlqejnë ata që vishen siç duhet. Ndaj dhe kujdesuni për veshjen tuaj. Blini rroba që ju bëjnë, pasi veshjet shumë të gjera ose shumë të ngushta ju bëjnë të dukeni çuditshëm.

5.Shikojini në sy të tjerët
Shikimi në sy është i rëndësishëm kur flisni me dikë. Nëse mbani kontaktin e duhur me sy, njerëzit do ndihen të rëndësishëm dhe të lumtur. Disa njerëz janë të ndrojtur, nuk i shohin të tjerët në sy… por ky nuk është problem i madh. Ushtrohuni me njerëzit tuaj të afërt. Shihini në sy ndërsa flisni me ta. Më pas, provojeni me të tjerët, por me kujdes!

6.Ecni me shpinën drejt
Ecni me vetëbesim! E dini si ta bëni këtë? Mbajeni trupin të shlirët dhe sytë e kokën lart dhe do dukeni plot besim në vetvete. Kjo është një pjesë e rëndësishme e të dukurit bukur.

7.Mbani erë të mirë
Askush nuk i ka qejf ata që bien erë të keqe. Gjithë përpjekjet tuaja për t’u dukur bukur mund të shkojnë në tym nëse bini erë të keqe. Ndaj dhe kini kujdes. Lahuni çdo ditë dhe përdorni deodorantin rregullisht. Lani dhëmbët dhe konsultohuni me mjekun nëse ju bie erë goja.

8.Jini të relaksuar
E vrisni shumë mendjen për atë që mendojnë të tjerët mbi ju? Nëse po, do bënit mirë ta eliminonit këtë zakon. Tregoni vetëbesim dhe hapuni te të tjerët. Komunikoni me ta dhe jini të çlirët. Nervozizmi nuk para pëlqehet. Ndaj dhe jini të çlirët kur kini të bëni me njerëzit e tjerë.

9.Qeshni dhe bëjini të tjerët të qeshin.
Një thënie e urtë thotë: E qeshura është ilaç. Kur qeshni, njerëzit përreth jush ndihen mirë dhe ka të ngjarë të jenë të lumtur me ju. E qeshura mund t’ju bëjë të dukeni tërheqës. Dhe nëse i bëni njerëzit të qeshin, mund t’i bëni të lumtur. Dhe ata do sillen ndaj jush në të njëjtën mënyrë.

10.Gjuha e trupit.
Gjuha e trupit është e rëndësishme. Nëse gjuha e trupit tregon se jeni të zënë me punë, njerëzit ka të ngjarë t’ju evitojnë. Do mendojnë se s’doni të shqetësoheni. Por nëse jeni të relaksuar, njerëzit nuk do ta kenë problem t’ju afrohen.

11.Pyesni të tjerët.
Mos u përpiqni të flisni ju gjatë gjithë kohës. Ndërsa bisedoni me dikë, bëni pyetje. Por mos pyesni për gjëra të papërshtatshme. Kur bëni pyetje, njerëzit mendojnë se interesoheni për ta dhe kjo i bën të ndihen të rëndësishëm.

12.Vishni ngjyra të gjalla.
Vishni rroba me ngjyra. Përpiquni të evitoni disa ngjyra të papërshtatshme pçr shkak të ngjyrës së lëkurës ose vendit ku do të shkoni. Zakonisht, ngjyrat e gjalla i tërheqin njerëzit. Dukeni edhe me më shumë besim në vetvete.





Lajmet e fundit nga