web counter
LEXO PA REKLAMA!

SHKARKO APP

App Store
Google Play

Outlook vjen për pajisjet iOS dhe Android

29 Janar 2015, 17:15, Aktualitet CNA

Në dhjetor të vitit të kaluar, Microsoft bleu Acompli-n, një kompani që krijon aplikacione të cilësisë së lartë për mesazhet elektronike për pajisjet iOS dhe Android. Kjo blerje ndihmoi kompaninë që të krijonte një version të Outlook-ut për pajisjet iOS dhe një version paraprak për pajisjet Android. Aplikacionet mund të shkarkohen në iOS App Store dhe Google Play Store, dhe do të ofrojnë një eksperiencë të cilësisë së lartë për dërgimin e mesazheve elektronike dhe veçoritë tradicionale të Outlook-ut. Këto aplikacione, së bashku me aplikacionet Android Office, janë finalizuar sot. Outlook do t?ju lejojë tani të menaxhoni email-in e punës dhe atë personal nga telefoni ose tableti, siç bëni në kompjuterin tuaj. Aplikacioni ofron gjithashtu veçoritë e kalendarit, integrimin e shtojcave ( me OneDrive, Dropbox dhe Google Drive). Outlook për Android do të jetë në version testues për pak muaj, ndryshe nga ai për pajisjet iOS. Kjo është një strategji e Microsoft-it që e përdor tek aplikacione të platformave të ndryshme: ka shumë pajisje Android dhe kompania do që të dijë mendimin e përdoruesve para se të lëshojë produktin final. Aplikacioni Outlook për platformat mobile të Google-it dhe Apple-it janë falas për konsumatorët. Ai mbështet shërbimet Office 365, Exchange, Outlook.com, Yahoo Mail, Gmail, iCloud dhe shërbime të tjera të email-it. Aplikacioni është falas edhe për bizneset, megjithatë nëse ata duan të përdorin veçori shtesë, duhet të abonohen tek platforma Office 365.





Lajmet e fundit nga