web counter
LEXO PA REKLAMA!

SHKARKO APP

App Store
Google Play

Bazo: Majori Feka kërkoi leje, por jo për jashtë vendit

29 Janar 2015, 16:09, Aktualitet CNA

Shefi i Shtabit të Përgjithshëm të Forcave të Armatosura, Gjeneral-Major Jeronim Bazo ka shpjeguar se majori Sokol Feka i cili ka gjetur vdekjen si pasojë e rrëzimit të një avioni në të cilin transportohej 1 ton drogë në Spanjë, ka kërkuar leje të pjesshme nga data 12 janar deri më 30 janar të vitit 2015, leje e cila është miratuar.
Sipas gjeneral Bazos, ushtaraku shqiptar nuk ka kërkuar asnjëherë që lejen ta kryejë jashtë vendit.
?Me kërkesën e tij, komanda e bazës ajrore Farkë, ka miratuar dhënien e një pjese të miratuar të lejes nga data 22 në 30 janar të vitit 2015. Ai nuk ka kërkuar kurrë që lejen ta kryejë jashtë vendit. Bazuar në informacionet e marrë në agjencitë për lëvizjen e shqiptarëve jashtë shtetit, mësojmë se Sokol Feka është larguar pa leje?,- tha Gjeneral-Major Jeronim Bazo.
Ai bëri me dije se Ministria e Mbrojtjes dhe Shtabi i Përgjithshëm janë në kontakt me forcat spanjolle për analizimin e plotë dhe të gjithanshëm të ngjarjes.
Më herët, Bazo tha se nga të dhënat paraprake bëhet fjalë për një mjet fluturues, i cili dyshohet se drejtohej nga majori Sokol Feka, për të cilin u shpreh se është bashkuar me Forcat e Armatosura në vitin 1993 si student në Akademinë e Aviacionit.
Feka u diplomua në vitin 1996 dhe ka kryer detyrat e pilotit, komandantit të ekuipazhit dhe inspektorit të fluturimi.
Gjeneral Bazo bëri me dije se majori Feka është vlerësuar me medalje të shërbimit e të karrierës dhe ka kryer një sërë trajnimesh brenda e jashtë vendit.





Lajmet e fundit nga