web counter
LEXO PA REKLAMA!

SHKARKO APP

App Store
Google Play

E fundit!

x

Këshilla për nënat e reja, rritja e qumështit të gjirit

10 Janar 2015, 09:55, Lifestyle CNA

Një prej problemeve që prek të gjitha nënat me fëmijë të vegjël është ushqyerja e fëmijës me qumështin e gjirit. Por kjo gjë bëhet edhe më shqetësuese, për ato nëna që nuk kanë qumësht mjaftueshëm për të ushqyer fëmijën.

Disa këshilla natyrale si të shtoni qumshtin e gjirit:

1.Ushqyerja sipas nevojës së fëmijës ka rëndësi. Jepini fëmijës të pijë sa herë që ka nevojë. Në javët e para një gjë e tillë duhet bërë vazhdimisht, për të rritur prodhimin e qumështit. Nëse vijon të thithë, lëreni në gji edhe pasi të jetë ushqyer. Ky është një veprim që afron më shumë nënën dhe fëmijën dhe rrit qumështin në gji.

2.Mënyra më e mirë për të shtuar qumështin, është përmes fëmijës. Ushqyerja e shpeshtë dhe thithjet e vazhdueshme të fëmijës, stimulojnë prodhimin e qumështit.

3.Stresi dhe lodhja janë armiqtë kryesorë të ushqyerjes me gji. Për të garantuar një prodhim të mirë të qumështit, është e nevojshme çlodhja e herë pas hershme, kjo për të përballuar sa më mirë zgjimet gjatë natës. Çrregullimi i regjimit pakëson edhe qumështin e prodhuar.

4.Edhe pse nuk është e provuar shkencërisht, pirja e pak birre dhe alternimi me supë pule, si dhe me çajra të ndryshme stimulon prodhimin e qumështit.

5.Nëna duhet të pijë shumë lëngje, për t?i mundësuar organizmit prodhimin e qumështit. Mjafton të dihet se në ditë gjatë gjashtë muajve të parë të jetës së fëmijës, nëna prodhon 800/1000 ml qumësht, i cili në masën 80% është i përbërë nga uji. Alternoni pirjen e qumështit, çajrave dhe lëngjeve të ndryshme. Edhe birra e stimulon qumështin, por nuk duhet tepruar me pirjen e saj.





Lajmet e fundit nga