web counter
LEXO PA REKLAMA!

SHKARKO APP

App Store
Google Play

Femrat që punojnë turni i tretë…

9 Janar 2015, 13:10, Lifestyle CNA

Një studim i realizuar kohët e fundit ka nxjerrë në pah se femrat që punojnë turni i tretë janë më të ekspozuara ndaj sëmundjeve të zemrës se sa femrat që punojnë gjatë ditës. Mjekët konstatuan se femrat që kishin punuar për më shumë se 5 apo 6 vjet në turnin e tretë, pra të natës, kishin një rritje të ndjeshme të rrezikut të prekjes nga sëmundjet e zemrës apo të qelizave të gjakut.

Për studimin në fjalë u mblodhën të dhëna në infermieret që nga viti 1976 dhe përfshinë në total 121 mijë e 700 infermiere në SHBA midis moshës 30-55 vjeç, të cilat u përgjigjeshin pyetësorëve çdo dy vjet. Ndërrimi i turneve konsiderohej kur infermieret punon minimumi tre netë në muaj.

Në vitin 2007 OBSH e klasifikoi turnin e natës si një burim sëmundjesh kancerogjene pasi çregullon ciklin ditor të njeriut. Femrat që kishin punuar për më shumë se 15 vjet në turnin e natës, ose me ndryshime turnesh natë-ditë, kishin mundësi të vdisnin nga kanceri i mushkërisë.

Studimi nxorri që infermieret që kishin punuar mbi 5 vjet me turne të ndryshme kishin 11% më shumë mundësi të vdisnin nga çfarëdolloj shkaku.Vdekja nga sëmundjet kardiovaskulare ishte 19% më e lartë për këtë grup. Për ato infermiere që kishin punuar më shumë se 15 vjet, kishin 25% më shumë mundësi që të prekeshin nga kanceri i mushkërive.





Lajmet e fundit nga