Si të dobësoheni pa mbajtur dietë?

8 Janar 2015, 15:00, Lifestyle CNA

Të gjithë që përpiqen të dobësohen zakonisht pyesin se si arrijnë këtë ta bëjnë njerëzit e tjerë që na rrethojnë. Derisa të parët mundohen shumë, të dytët pa asnjë problem i veshin xhinset e preferuara. Ndoshta mund t?ju ndihmojnë ndonjë nga këto këshilla që do t?i paraqesim në vazhdim dhe edhe ju të vishni atë që dëshironi dhe çka është kryesorja të dobësoheni duke mos mbajtur dietat e mundimshme.

– Luani lojën e preferuar: Sipas hulumtimeve të revistës për kuzhinë ?Appetite?, të gjitha gjërat që na bëjnë të lumtur, na argëtojnë dhe të cilat e largojnë vëmendjen tonë nga ushqimi na ndihmojnë që të hamë më pak. Pra, të hulumtuarit kishin ngrënë më pak pasi që një pjesë të kohës e kanë kaluar duke luajtur në telefonin celular lojën e tyre të preferuar, siç është p.sh. Candy Crush.

– Flini sa duhet: Studimi i publikuar në revistën ?American Journal of Epidemiology? e konfirmoi se mungesa e gjumit ndikon shumë në problemet me kilogramët. Nëse nuk flini shtatë orë, që është mesatarja e njeriut të rritur, do të vraponi pas ushqimit për shkak të lodhjes që ju ka kapluar dhe këtë e bëni në mënyrë të pavetëdijshme.

– Hani në tavolinë: Me siguri nuk jeni të vetëdijshëm, sikurse shumica, se sa kalori i merrni duke qëndruar në këmbë dhe duke ngrënë. Nutricionistja, Beth Saltz, tha se njerëzit e pëlqejnë që të hanë në zyrë apo në shtëpi duke kryer punë tjera dhe kështu gjatë ditës mblidhen në trup shumë kalori. Studimet e zhvilluara në universitetin ?Cornell? po ashtu kanë treguar se pa vetëdije hamë më shumë nga enët e mëdha, por edhe në mbledhitë e ndryshme me miqtë. Uluni para tavolinës dhe mos bëni asgjë tjetër derisa të hani, kështu do të jeni të vetëdijshëm për secilën kafshatë që e merrni dhe do ta dini a e keni tepruar, shkruan Zëri.

– Sallatën lëreni për fund: Kjo ndoshta do t?ju tingëllojë e çuditshme, por sallatën duhet ta lini për fund. Në fakt trajnerja e fitnesit me përvojë shumëvjeçare, Debra Wein, thotë që me ngrënien e sallatës në fund i japim më shumë kohë trurit ta kuptojë se a kemi ngrënë sa duhet. Pra në këtë mënyrë do të shmangim ngrënien e ndonjë kafshate më shumë që zakonisht është e panevojshme.

– Relaksohuni: Është e njohur që stresi ndikon negativisht në shëndetin tonë, dhe disa studime kanë konfirmuar që ky është përgjegjës për mbledhjen e dhjamit në bel dhe në stomak. Pra, në qoftë se nuk dëshironi që të keni probleme me kilogramët atëherë relaksohuni, pushoni dhe qetësohuni apo dilni të shëtisni dhe vraponi në ajër të pastër dhe këto gjëra ndikojnë që të shmangni stresin nga jeta juaj.