web counter
LEXO PA REKLAMA!

SHKARKO APP

App Store
Google Play

E fundit!

x

Senati i SHBA: Shqipëria ka ndihmuar CIA-n në torturat ndaj të dyshuarve si terroristë

10 Dhjetor 2014, 10:56, Aktualitet CNA

Komiteti i Inteligjencës së Senatit publikoi dje një raport në lidhje me marrjen në pyetjen të të dyshuarve dhe anëtarëve të Al Kaedas në ndërtesa sekrete në Europë dhe në Azi, 8 vjet pas sulmeve terroriste të 11 shtatorit, 2001 në SHBA.
Në raport theksohen metodat e përdorura nga CIA për të detyruar të arrestuarit që të zbulonin për atentatet e mundshme terroriste ndaj Shteteve të Bashkuara.
CIA dhe autoritete të tjera të SHBA-së nuk kanë vepruar të vetme, por kanë krijuar marrëdhënie me një sërë partnerësh rreth globit për të ndihmuar në zhvendosjen, torturën dhe arrestimin sekret të atyre që SHBA dyshonte se kishin lidhje me terrorizmin.
Në raportin e detajuar prej 6700 faqesh, lexohet se një nga vendet qe lehtësuan punën e CIA-s ishte edhe Shqipëria, raporton gazeta DITA.
Në raport nuk tregohet se ku konsistonte saktësisht ?puna? e secilit vend. Në 2012-n dhe 2013-n, Parlamenti Europian i bëri thirrje të gjithë anëtarëve të BE-së dhe shteteve të tjera që të hetonin rolet e tyre në këto operacione.
?SHBA dhe të gjitha vendet që kanë punuar me të për të transferuar, kapur dhe torturuar të dyshuarit kanë obligim ligjor ndërkombëtar të japin llogari të plotë për krimet që përfshijnë tortura dhe zhdukjet?, tha Julia Hall, eksperte e Amnesty International mbi luftën kundër terrorizmit dhe të Drejtat e Njeriut.
Senati përmes raportit kritikon metodat e CIA-s të cilat shkonin përtej teknikave të autorizuara nga Shtëpia e Bardhë.
Në SHBA ekziston frika se publikimi i raportit do ngjallë urrejtje dhe do nxisë sulme të reja antiamerikane. Ka shumë që mendojnë se detajet e tij duhen botuar ?në një kohë më të përshtatshme?.
Por presidenti Obama mendon që nuk egziston ?një kohë e përshtatshme dhe një tjetër e papërshtatshme për të thënë të vërtetën?.
E rëndësishme është që ne të dëshmojmë kapacitet që pranojmë gabimet tona ? tha ai





Lajmet e fundit nga