E fundit!

10:17 Aktualitet

Zbardhen të tjera detaje/ Gjenden 3 armë në stanin ku fshihej Braçellari

Hetimet për ngjarjen e rëndë në Lozhan, ku si pasojë e shk...

Fustani i Bleonës dhe breket e FMN-së

25 Nëntor 2014, 23:00, Aktualitet CNA

Elvi FUNDO

Fustani i Bleonës

Bleona u zhvesh, turp, ajo na turperon, ska zë, do famë prandaj zhvishet. Bleona shpenzon shumë, ajo vetem show kot bën. Ca ishte ky skandal, bythët i kishte të varuara, gjoja ca ripa si brekë. Këto dhe shumë fjali të tjera pushtuan shtypin, televizionet dhe cmendurinë e rrjeteve sociale ku të gjithë kishin rënë në kurthin e ngritur me mjeshtëri nga vajza shqiptare në SHBA. Ajo në fakt nuk zhvishej për herë të parë. Në një event cmimesh, ajo mundi të tërhiqte vëmëndjen e mediave nga e gjithë bota, duke sfumuar jo pak kolege profesioniste, për të cilat në Shqipëri askush nuk e di kush fitoi? Sa fitoi? Cili ishte cmimi i parë apo i dytë? Sa vlerë kishtë ky aktivitet? Dinë vetëm që Bleona doli me një rrjetë në trup. Për më tepër shqiptarët mësuan jo vetëm faktin se Bleona për famën e saj bën veprime nga më ekstremet, por mesuan që kishte edhe një event në SHBA, që quhej AMA, dhe jepeshin ca cmime. Pra nga një anë Bleona i ka bërë jo pak reklamë dhe vetë eventit në Shqipëri, që besoj organizatorëve nuk ju intereson aspak.

Breket e FMN-së

Kur vajza simpatike ?humbi? fustanin, Bleona e cila shpesh dhe ka kënduar jo më ndonjë shkëlqim, në vendin tonë kishtë dalë ?shëtitje? si gjithmonë Banka Xhandar e Botës që kudo shkon shkakton trazira, ngre taksa, mban në presion qeveritë dhe në fund varfëron taksapaguesit. Kjo bankë quhet Fondi Monetar Ndërkombëtar, një institucion financiar ku vendi ynë mer këshilla, paguan edhe një thes më dollarë për të qenë antare.

FMN erdhi ne Tiranë si zakonisht në vjeshtë për buxhetin. Këtë herë më një tjetër status. Them më një tjetër status për faktin se përgjatë qeverisjës së kaluar, FMN kishte një rol këshillues, sot vjen me statusin e kredidhënësit dhe qeverisë i kërkon llogari për parametrat e borxhit.

Në fakt këtu një lojë, si gjithmonë tinzare, po e bën vetë qeveria në kurriz të qytetarëve. Shkon tek FMN-ja, kërkon borxh, që ta lajë borxhet, dhe e përdor si xhandar për qytetarët duke thënë se është ky institucion që kërkon rritje taksash, ulje investimesh, stanjacion për pagat dhe pensionet dhe shumë argumenta të tjerë propagandistikë. FMN nuk erdhi vetë në Shqipëri, atë e solli qeveria, ndërkohë që shuma që kërkohej gjendej lehtësisht në tregjet financiare ndërkombëtarë me interesa po aq të ulta dhe jo me masa shtrenguese në buxhet sic po bën sot qeveria. Masa të cilat në fund i kanë në kurriz taksapaguesit, pra qytetarët shqiptarë.

Qeveria rrit cmimin e energjisë, heq fashën mbrojtëse, bazën nga 10% të taksimit e con në 15%, shton taksimin mbi depozitat dhe shumë veprime të tjera shtrënguese ku mbi të gjitha janë investimet, ku për vitin që po mbyllet plani nuk i kap 60%, dhe për vitin e ardhshëm ska asnjë investim të ri, por vetëm mbylljen e këtyre eksistueseve, megjithse qeveria pretendon buxhetin më të madh në histori. Në fund të gjithë kësaj FMN del dhe flet që po meren masa serioze dhe hapa konkretë, rritja e taksave përshëndetet, nuk harohet edhe qoka për borxhin. FMN tregon se garanton kredinë e dhënë dhe lekët e saj do kthehen pas. Por këto shuma rëndojnë gjithmonë mbi xhepat e shqiptarëve, as të qeverisë dhe as të FMN-së, e cila con disa ekspertë që paguhen me dhjetra mijëra dollarë, bëjnë disa shërbime, falenderojnë qeverinë, qytetarëve ju lenë lakun në fyt, dhe ata largohën, qeveria thotë ata jo une, në fund më shumë taksa, më pak të ardhura, më shumë varfëri.

FMN-ja e kaloi me një konferencë shtypi dhe disa takime, por zhurmën e madhe e bëri Bleona dhe vëmendjen kryesore e mori ajo. Në fakt duhet të ishte ndryshe, por ja që nuk ndodhi kështu. Tani mesa kuptohet FMN, ka gjetur fustanin e Bleonës dhe e ka sjellë në Shqipëri për tja veshur së pari kryeministrit tonë dhe ekonomisë Shqiptarë. Jo se kryeministri ka dalë lakuriq si Bleona, por po zhveshin lakuriq shqiptarët me taksat dhe goditjen që i japin ekonomisë, për këtë arsye fustani i Bleonës mund të na mbante më ngrohte. Në fakt FMN të vesh fustanin dhe të le pa brekë, për këtë lexoni pak cfarë ndodhi në Argjentinë, cpo ndodh në Greqi dhe gjetkë. Prandaj më shumë rëndësi se fustani i Bleonës, duhet të kenë breket që të heq FMN kur të vesh fustanin e saj. Por ne ende meremi me një vajzë që bën show dhe harojmë që qeveria dhe FMN-ja si vegël justifikuese e saj po ju heqin shqiptarëve dhe brekët.

Të shpresojmë ti shtengojmë shpejt se pastaj zor se i vësh dot pasi të ka zhveshur FMN-ja, kurse pas evenit Bleona ishte veshur, aq sa ja lejon moda që ajo ndjek.