web counter
LEXO PA REKLAMA!

SHKARKO APP

App Store
Google Play

MAS: Ja gjimnazet me te mira. Korca dhe Elbasani ngelen prapa, parakalohen nga Lushnja

23 Nëntor 2014, 23:00, Aktualitet CNA

Ministria e Arsimit dhe Sportit prezantoi raportin publik të Maturës Shtetërore 2013-2014, gjatë një aktiviteti të zhvilluar në Universitetin e Arteve.

Nikolla tha se ky raport publik, një studim shkencor për atë që u arrit në Maturën Shtetërore, tregon më së miri atë që publiku, familjet e 46 mijë maturantëve, e prekën në fund vitin e kaluar shkollor duke e përcaktuar këtë maturë si një ndër reformat më të mëdha në arsimin parauniversitar.

?Vetëm rritja e pragut të kalimit dhe miradministrimi bëri që sot në universitetet publike të kemi një cilësi më të lartë në të pranuarit në vitin e parë.

Sot kemi 160 programe studimi në universitetet publike që mesatarja e të pranuarve është shumë më e lartë se ajo e viteve të kaluar. Pikët mesatare të përllogaritura për studentët e pranuar janë rritur në 218 programet e studimit?, tha Nikolla.
Shkollat më të mira sipas katër treguesve të Maturës Shtetërore kanë rezultuar: ?Ismail Qemali?, ?Sami Frashëri?, ?Qemail Stafa?, në Tiranë, ?28 Nëntori?në Shkodër, ?Petro Nini Luarasi? në Tiranë, ?Ali Demi? Vlorë, ?18 Tetori? Lushnje dhe ?Naim Frashëri? Durrës.

?Në këtë maturë nuk ia dolën të kalonin 13.616 maturantë. Për ata dhe për të gjithë të tjerët më pas ne analizojmë sot shkaqet dhe po përcaktojmë detyrat për të ardhmen. Në 9 vite të Maturave Shtetërore nuk pati asnjë raportim publik analize si kjo, por vetëm botimi rutinë vjetor, me zero përmasë publike?, shtoi ministrja.

Sipas saj, kjo analizë do   shërbejë për të argumentuar nevojat e tekstit unik, për të mbështetur mësuesit për të bërë më mirë detyrën, për të adresuar më mirë pabarazinë në arsim etj.

?Ne mundësuam një proces me standard të unifikuar, ofruam siguri dhe cilësi. Treguam, të gjithë së bashku, se për të ndërtuar procese me të vërtetë demokratike duhet vullnet i qartë për të respektuar ligjin dhe partneritet i shëndoshë midis institucioneve dhe aktorëve të përfshirë në to, e më gjerë, të shoqërisë në tërësi?, u shpreh Nikolla.





Lajmet e fundit nga