E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Bunk’art, Bolino dhe detajet e (pa)njohura të një tenderi luksoz

24 Nëntor 2014, 23:00, Aktualitet CNA

Në Tiranë u përurua Bunk?art, një muze tashmë-modern ku njerëzit janë ftuar ta vizitojnë. Dikur një bunker i sigurisë më të lartë, i mbrojtur dhe nga sulmet atomike, i dedikuar ekskluzivisht për ish-udhëheqjen bunkartkomuniste, në rast të krijimit të rrethanave të jashtëzakonshme të luftës.

Rikonstruksioni i këtij Bunkeri special, ishte planifikuar me kohë nga Komisioni Shtetëror i Organizimit të Festave të Nëntorit.

Ministria e Mbrojtjes bëri kalimin e pronës fizike të Bunkerit, ndërsa Ministria e Kulturës organizoi procedurën për rikonstruksionin e Bunkerit dhe më pas ekspozimin për publikun.

Është folur shumë për këtë Bunker, ministrja e Kulturës i kushtoi dhe një fjalim mbresëlënës kësaj vepre të rikonstruktuar, në ditën e inagurimit.

Nga ana tjetër, dihet shumë pak mbi procedurën, fondet dhe mënyrën se si u realizua ky rikonstruksion i Bunkerit. Nuk dihet sa është fondi i shpenzuar, apo nëse procedura parashikon vetëm rikonstruksionin apo dhe dhënie ?në përdorim? të këtij Bunkeri.

Në faqen elektronike të Ministrisë së Kulturës nuk ka të dhëna mbi procedurën mbi financimin e këtij rikonstruksioni, ndërsa Pol.al ka mësuar se është një kompani italiane ajo e cila është angazhuar për realizimin e punimeve.

Burime nga Ministria e Mbrojtjes bënë të ditur se kjo ministri ka akorduar një fond diku tek 5 milionë lekë për meremetimin e mureve të Bunkerit, ndërsa Ministria e Kulturës ka akorduar një fond, mbi 100 mijë dollarë, për instalacione dhe projeksione.

Nuk ka të dhëna sa është fondi i plotë i Ministrisë së Kulturës, ndërsa burime të rezervuara bëjnë të ditur se njëra nga kompanitë kryesore të angazhuara nga kjo ministri quhet ?Spazio Eventi Albania?.

Kjo kompani është krijuar në prill të vitit 2014, dhe pjesën kryesore të aksioneve i kontrollon znj. Lindita Dode, e cila rezulton një bashkëpunëtore e vjetër dhe financiere e investitorit italian në media Karlo Bolino.

E njëjta kompani, pra ?Spazio Eventi Albania? rezulton se ka qenë e angazhuar në disa aktivitete të zhvilluara nga Ministria e Shëndetësisë, në kuadër të fushatës për kancerin e gjirit.

Interesant është fakti se një tjeter kompani, e cila paraprakisht figuron si kompani nenkontraktore ne rikonstruksionin e tunelit-bunker, ne faqen e vete zyrtare ne Facebook, kishte publikuar krejt spontanisht nje plan-pune te punimeve, ku perberi punimeve te parashikuara per ne tunelin-bunker, shkruhej emri: Karlo Bolino.

Marrë nga POL.al