web counter
LEXO PA REKLAMA!

SHKARKO APP

E fundit!

x

Ekstradohet nga Italia/ Vrau Naim Zymberin

24 Nëntor 2014, 23:00, Aktualitet CNA

Interpol Tirana ka ekstraduar nga Italia një prej vrasësve të ?të fortit? të Tiranës, Naim Zymberi, 17 vjet pas ngjarjes.

Bëhet fjalë për 40-vjeçarin Gerd Gjenerali, që është dënuar me burgim të përjetshëm për këtë vrasje.

Transferimi i 40-vjeçarit u bë pas njohjes nga ana e Ministrisë së Drejtësisë së Republikës së Shqipërisë, të vendimit penal italian.

Ai, së bashku me Arben Grorin, vranë në fund të vitit 1997 në një spital në Milano, Naim Zyberin, pasi e kishin plagosur më parë. Sipas autoriteteve italiane, Gjenerali kishte marrë pjesë edhe në plagosjen e Zyberit.

Po kështu, dyshohet se ishte ai që kaloi sigurinë në spital, duke e fshehur pistoletën me të cilën u krye krimi, në një tufë me lule dhe dukë u thënë efektivëve të policisë italiane se ishte mik i Zyberit.

Arben Grori e akuzonte Zyberin për vrasjen e të vëllait të tij, Arturit, në korrik të vitit 1997.

Grori ndërkohë është duke e vuajtur dënimin në Shqipëri.





Lajmet e fundit nga