E fundit!

11:52 Aktualitet

Begaj, në homazhet për efektivin e vrarë/ Familjarët i kërkojnë llogari: Po na vrisni, bëhuni të zotë

Presidenti Bajram Begaj ka marrë pjesë në homazhet në nder...

Lajme dëshpëruese për arsimin në Korçë

24 Nëntor 2014, 23:00, Aktualitet CNA

-Politika e mbrapshtë e kuadrit, e çon qytetin në këtë derexhe dhe do ta çojë edhe më poshtë në të ardhmen-

Dje në media u dhanë përfundimet e studimit të Ministria e Arsimit dhe Sportit, për rankimin e shkollave në bazë të rezultateve të Maturës Shtetërore 2013- 2014.
Nota mesatare rreth 6.8 % dhe mospërfshirja e ASNJËZË prej gjimnazeve të qarkut Korçë në listën e më të mirëve.
Ky nuk është vetëm përfundim dëshpërues, por në rradhë të parë, një përfundim POSHTËRUES për arsimin në Korçë, i cili dihet që në të gjitha kohërat, qoftë diktaturë, qoftë demokraci, ka pasur kreun e vendit në çdo lloj rankimi..
Gjithë ?sekreti? i këtij dështimi të madh është organizimi në rekrutimin dhe qarkullimin e kuadrit arsimor në rrethin tonë. Disa mendojnë se kuadri arsimor në Korçë është nën thundrën e militantizmit partiak. Kjo nuk është aspak e vërtetë, partitë PD apo PS, kanë shumë pak gisht në përcaktmin e kuadrit. Politika që ndiqet në përcaktimin e kuadrit të arsimit në Korçë është një politikë: FETARO ? KLIENTELISTE.
Gjatë qëndrimit të Arben Belbës në krye të institucionit të DRA në Korçë unë kam ngritur disa here, me anë të publikimit të disa artikujve këtë problem, që është korruptiv nga çdo anë që ta vështrosh.
Zoti Belba në vend që të reflektonte dhe të rregullonte punën, orientuar edhe nga shkrimet e mia publike dhe krejtësisht të hapura, zgjodhi rrugën e padisë sime në një institucion të quajtur : Komisionieri për Mbrojtjen e të Dhënave Personale.( Për ta ilustruar shkrimin e kam shoqëruar me një skanim të dokumetave që vërtetojnë këtë). Puna e këtij Komisioneri, në rastin tim përfundoi me një bllof të forte, sepse ai nuk pa asgjë të pavërtetë në shkrimet e mia, vetëm se më urdhëroi të hiqja nga shkrimi një foto të zotit Belba, pasi nuk lidhej me shkrimet në fjalë.
Edhe sot politika e kuadrit në DRA Korçë nuk ka ndryshuar, kanë ndryshuar vetëm disa emra drejtuesish. Me këtë politikë motin e ardhshëm rankimi do të shkojë poshtë e më poshtë, nëse nuk hiqet dorë nga nepotizmi, klientelizmi dhe religjionizmi.
Unë kam folur , do të flas pareshtur për për problemin madhor të arsimit në qytetin tonë, duke denoncuar çdo rast dhe politikë që çon në regres ashtu si deri tani. E kam të qartë se kjo këmbanë që unë tund shkon si zilkë në veshët e pushtetarëve, por s?ka gjë: Këto shkrime i bëj më tepër për të pastruar shpirtin tim, si thotë Noli, që kur të shkoj në atë dynja dhe të më pyesë i Madhi Zot:
Ku ishe ti Adam kur ndodhnin këto gjëra?
Unë do t?i përgjigjem: Shih shkrimet në filan e filan datë o Perëndi!
Këmbana bie për ata që kanë veshë! Amin!

Erget CENOLLI