web counter
LEXO PA REKLAMA!

SHKARKO APP

App Store
Google Play

Viktor Gumi: Pas përgjimeve të SHISH qendron Sali Berisha

12 Tetor 2014, 22:00, Politikë CNA

Deputeti Viktor Gumi ka vërtetuar në mënyrë indirekte, se pas përgjimeve të SHISH qendron Sali Berisha.

Ai ka thënë në një intervistë për “Panorama”, se Berisha i ndëshkoi të gjithë deputetët demokratë të Komisionit të Ligjeve, pasi ata rrëzuan një nen në ligjin për përgjimet në vitin 2012.

Sipas Gumit, nëse ai nen miratohej, masa e abuzimit me përgjimet shumëfishohej me 29 herë.

Ai thotë se ai nen cenonte jetën private të qytetarëve.

Për këtë arsye, Berisha vendosi që mos t’i kandidonte në zgjedhjet e 23 qershorit deputetët e Komisionit të Ligjeve.

“Komisioni i Ligjeve evidentoi se në këtë ligj shumë sensitiv nuk ka rregulla loje dhe për sa kohë ato mungojnë, pashmangshmërisht abuzimi është evident.

Projektligji i paraqitur në atë kohë për mendimin e Komisionit të Ligjeve shkonte në drejtimin e kundërt”, shprehet Gumi.

“Ligji për përgjimin parandalues nuk përcakton kategorinë e veprave penale për të cilat ai lejohet. Ligji për përgjimin e telekomunikimeve, përderisa nuk liston kategorinë e veprave penale për të cilat kryhet, lejon këdo dhe në çdo kohë të jetë subjekt i këtij përgjimi.

Kjo është një praktikë unike në Europë dhe në thyerje të çdo standardi të kërkuar nga Kushtetuta dhe Konventa Europiane për të Drejtat e Njeriut. (Vendim i Gjykatës së Strasburgut Kennedy v UK).

Në kontrast të thellë me ligjin tonë, p.sh. në ligjin gjerman vetëm një nen për këtë gjë është dy faqe e gjysmë i gjatë.

Ligji nuk përcakton kategorinë e personave që i nënshtrohen këtij përgjimi.

Edhe në këtë aspekt eksperienca jonë është unikale”, thotë ish-deputeti demokrat.





Lajmet e fundit nga