web counter
LEXO PA REKLAMA!

SHKARKO APP

App Store
Google Play

E fundit!

x

Minxhozi: Nano iku, Berisha jo

10 Tetor 2014, 22:00, Politikë CNA

Analisti dhe gazetari i njohur Skënder Minxhozi thotë se PD për fat të keq ende e drejton ish kryetari Berisha, ndërsa kryetari aktual Lulzim Basha bën komparsin.

Duke folur në emisionin e ?Jamais Vu?, Minxhozi bëri një arysetim krahasues mes asaj çfarë ndodhi në PS kur iku Fatos Nano dhe çfarë ndodh aktualisht në PD.

?Kam frikë se kjo parti ra në dualizëm që realisht i prish shumë punë imazhit dhe natyrisht impaktit që do të ketë në opinionin shqiptar në vitet e ardhshme, sepse kalimi nga një lidership i fortë te një lidership, (le ta themi hapur) pa ngjyrë dhe i dobët si Lulzim Bashës, është një amplitudë shumë e madhe temperature. Sikur del nga një dhomë e ftotë në një të nxehtë.

Kam përshtypjen se ky kuvend sanksionoi një dualizëm, ose më mirë një ndarje punësh që nuk dihet sa do të sjellë përfitime për partinë. Basha bën komparsin, ndërsa gjithë strategjinë dhe vendimarrjen vazhdon ta bëjë Berisha?.

Pyetjes së Mustafa Nanos nëse Berisha do të zhdukej dhe PD do të ishte në dorë të Bashës, PD do ishte më e fortë apo më e dobët, ai iu përgjigj:

?Nëse bëjmë një arsyetim krahasues –  E majta e bëri më shpejt largimin e liderit historik nga vetja. Nano iku më herët e iku prej vërteti, Berisha iku më vonë dhe nuk iku prej vërteti.

Aty ku ndodhi më shpejt thyerja e brezave, në kokën e partisë, ajo qe më pa dhimbje.

Nano mund të ketë shumë defekte por ai kur iku, iku taman.

Pati aspiratën për t?u bërë president, por dhe këtë e kishte më shumë si ambicie personale pa e interferuar me partinë, Berisha pretendon se ka ikur.

Fakti që ka një teknologji qoftë formale për ta paraqitur Bashën si kryetar të PD ka një sforcim, por ka një rethanë: Shiko çfarë ndodhte çdo të enjte, flas kur PD ishte në Kuvend.

Në mëngjes grupi PD paraqitej te Basha në selinë PD. Ai mban një deklaratë për mediat, që defakto duhet të jenë udhëzimet që bën kryetari. Vetë kryetari nuk shkon në Parlament sepse nuk është anëtar i parlamentit dhe në parlament ndodhin gjëra të tilla që nuk përmbahen në tekstin që ka kryetari, dhe për të gjitha vendos ish kryetari.

Basha nuk ka asnjë lloj mundësie ta influencojë sjelljen e partisë, kjo është PD e sotme për fat të keq e ka nën kontroll ish kryetari.?

Duke komentuar një foto ku shfaqeshin Sali Berisha, Lulzim Basha dhe Eduart Selami, Minxhozi tha se janë tre kryetarë në një vënd.

?Por nga të tre Basha dhe Berisha janë dy shpirtrat e sotëm të PD-së?





Lajmet e fundit nga