web counter
LEXO PA REKLAMA!

SHKARKO APP

App Store
Google Play

Kryeministri Edi Rama në Shkodër për investimet

9 Tetor 2014, 22:00, Politikë CNA

Në kuadër të projektit të qeverisë “Rilindja e Qyteteve’, kryeministri Edi Rama ishte  sot në qarkun e Shkodrës, ku inspektoi punimet në disa objekte infrastrukturore, të financuara nga qeveria shqiptare .

Kryeministri inspektoi rikonstruksionin e rrugës Shkodër-Shirokë, me gjatësi 3.3 km, një investim me vlerë rreth 161 milionë lekë. Projekti parashikon zgjerimin e rrugës në 5.5 m, trotuare, ndriçim dhe sinjalistikë sipas parametrave bashkëkohore.

Më pas, kryeministri Rama u ndal në qytetin e Shkodrës për të inspektuar punimet në rehabilitimin e infrastrukturës në bllokun e pallateve “Vau i Dejës”.

Rikonstruksioni i këtij blloku përfshin sheshin mes pallateve, kanalizimet e ujërave të zeza dhe të bardha, si dhe linjën e ujësjellësit. Në rrugë, krahas asfaltimit tërësor, do të vendoset dhe sinjalistika horizontale e vertikale.
Projekti, që gjithashtu përfshin shtimin e sipërfaqes së gjelbër dhe ndriçim, do të ketë impakt për rreth 3 mijë banorët e kësaj zone. Rehabilitimi i këtij blloku do t’i shërbejë integrimit dhe urbanizimit të kësaj pjesë të qytetit te Shkodrës.

Gjithashtu, kryeministri Rama inspektoi sot dhe punimet e rrugës Grudë e Re-Qendër Golem, në Komunën Rrethina.

Rruga, me gjatësi 1.5 km dhe investim të Qeverisë me vlerë rreth 31 milionë lekë, do të lehtësojë lëvizjen për 3500 banorë të zonës. Ajo po ashtu do të shkurtojë ndjeshëm distancën që lidh fshatrat Grudë e Re dhe Golem me qytetin e Shkodrës, si dhe me qendrën e komunës Rrethina.

Kryetari i kësaj komune vlerësoi këtë investimin të qeverisë socialiste, duke theksuar se në 23 vitet e fundit në këtë zonë nuk është bërë asnjë investim.





Lajmet e fundit nga