web counter
LEXO PA REKLAMA!

SHKARKO APP

App Store
Google Play

E fundit!

x

Bushati: Ministrja e Mbrojtjes shkeli ligjin, Prokuroria të hetojë

14 Shtator 2014, 11:45, Politikë CNA

Partia Demokratike akuzon ministren e Mbrojtjes Mimi Kodheli se ka shkelur ligjin, ndërsa i ka bërë thirrje Prokurorisë të hetojë. Në një deklaratë për mediat, deputeti Helidon Bushati akuzoi ministren Kodheli se ka shkelur ligjin duke vënë mjetet e ushtrisë në shërbim të operacioneve të policisë.

?Dëmtimi i helikopterit me një vlerë prej 12 milionë euro, të blerë nga kontributi i taksapaguesve shqiptarë, përbën një dëm të madh financiar.

Dhënia e mjeteve të ushtrisë pa një marrëveshje, pa një vendim qeverie, pra pa një bazë ligjore, është një shkelje e rëndë.

Duke i konsideruar asetetet publike si pronë private, Minsirja e Mbrojtjes ka shkelur ligjin, dhe ajo sot është nën akuzën e shpërdorimit të detyrës.

Media ka denoncuar faktet prej kohësh, por Ministrja e Mbrojtjes hesht?, theksoi deputeti demokrat.

Në vijim ai shtoi se është koha që Prokuroria e Përgjithshme të tregojë vëmendjen e duhur ndaj këtij abuzimi me pasurinë publike, që ka kushtuar 12 milionë euro.

?Shkelja e ligjit dhe dëmi financiar i ardhur si pasojë kërkojnë hetim të menjëhershëm, të thellë dhe serioz.

Ne i bëjmë thirrje Prokurorisë të mos  mbyll sytë para shkeljeve e shpërdorimit të qeverisë, të nisë menjëherë hetimin, të garantojë zbatimin e ligjit dhe të vërë shkelësit para përgjegjësisë?, tha Bushati.





21:20 Politikë

Naço në EPLO-s

Ministri i Drejtësisë Nasip Naço po zhvillon një vizitë pune...

Lajmet e fundit nga