E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Fuga thumbon Civicin

11 Shtator 2014, 15:26, Aktualitet CNA

Dorëheqja e Ardian Civicit nga Këshilli Mbikqyrës i Bankës duket se e ka revoltuar prof. Artan Fugën, i cili rreagon në faqen e tij në Facebook. Ai pretendon se dorëheqjet nuk mund të jepen kur institucioni kalon ditë të këqiija.

“Ubububuja! Ore çfarë bëhet kështu??? Nuk kuptoj asgjë. Kuptoni ju? Disa kur punët shkojnë keq, por nga jashtë duken mirë, rrinë nëpër frone dhe nuk lëvizin gishtin për të ndrequr diçka. Ama sapo institucioni shkundet nga kriza dhe shqetësime, ububuuubuja, japin menjëherë dorëheqjen dhe shkojnë në punë të tyre.

Isha atje për kohë të mira, fllad veror, fresk, ohoho, jo për ditë tërmetesh dhe suferinash. Asnjë fjalë nuk i thonë publikut që u ka besuar gjënë e vet. Ika unë s’kam punë me atë shtëpi ku ka rënë flaka, shoh punën time!!! Pavarësisht se e kisha parë që telat e elektrikut po shkrumboheshin dita ditës. Ika dhe ishalla askush nuk kujtohet më për mua. Si struci…Ore po a ka mbetur një grimë morali apo jo në këtë vend???”

Dhe pasi të tjerë e pyesin se me i kë i ka këto fjalë, Artan Fuga di të jëtë me i drejtpërdrejtë. Ai shenjon me emër Civicin.

“Disa më pyesin : Për kë e kisha që nuk i vlerësova dorëheqjen? Po, po, e them, për zotin Civici…Sigurisht unë nuk kam asnjë të drejtë të ngacmoj personalitetin e tij individual se është çështje intime dhe private. As të mos besoj sëmundjen e tij apo problemet shëndetësore. Ato i di mjeku. Unë nga zemra i uroj vetëm të mira. Por me dorëheqjen e kam një problem. E para është shumë e vonuar dhe nuk sjell asgjë pozitive tani pas pilafit. Në kohën e duhur do të kishte vlerë. E dyta, del në publik dhe nuk i thotë publikut se cila ishte përgjegjësia e tij personale në këtë pikë. Nuk e ka për detyrë se nuk është se e zgjodhi publiku, edhe mund të mos thotë asnjë fjalë, por kur thotë është i detyruar ta nisë këtej, përndryshe shkatërron imazhin e vet publik. E treta, problemi me të nuk është dorëheqja, por dorëvënia. Çfarë dua të them? Po ja që qysh nga çasti kur u emërua ai nuk duhej ta pranonte atë detyre sepse ishte në konflikt të rëndë interesi, ishte drejtuesi kryesor i një agjencie, sipërmarrjeje private, president i një universiteti privat nga ata të shumtit në Shqipërinë demokratike dhe ku ndriçon liria e biznesit… Edhe shërbyes te privati edhe shërbyes publik te banka qendrore… Eh, jo, kjo është pa moralin e duhur… Kjo është të duash edhe arrën edhe çekiçin. Dhe duhet ta ketë kujdes këtë për herë tjetër, nëse i bie rasti, sepse kështu vepronte edhe me reformimin e arsimit të lartë, edhe operator privat, pra hante bukën e privatit, edhe e quante universitetin publik si konkurrent, edhe pretendonte t’i bënte rregulloren e funksionimit këtij të fundit. Ja kam thënë në publik… , nuk ishte brenda standardeve morale të nivelit të lartë, ja tani…

Pra unë jam që dorëheqja ose jepet në kohën e duhur, ose qëndro dhe anagazhoju për të riparuar diçka. Ose prano gabimin publikisht edhe pazotësinë për të vepruar. Sepse kështu i bën përsëri keq interesit publik. Imagjinoni bankën pa këshill sot në mes të ditës… Gjithçka bllokohet. Ku është përgjegjësia qytetare këtu??? Se kështu mund t’i ndodhë edhe në institucionin privat universitar. Po të ketë një krizë atje, cfarë do të bëjë ai? Do të japë dorëheqjen???Ja pra se përse kam problem me dorëheqjen në ketë rast. Ja përse e thërres përsëri në detyrë dhe e ftoj ta tërheqë dorëheqjen. Ja pse Kuvendi nuk duhet ta pranojë atë dorëheqje. Por s’kam asgjë me personin si person, absolutisht. Thjesht e preka çështjen e tij sa kohë kishte pranuar të ishte shërbyesi im si drejtues i bankës qendrore… A nuk kemi të drejtë të themi ndonjë fjalë butësisht për ish shërbyesit tanë???