E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

E verteta perkundrejt trilleve dhe thashethemeve

10 Shtator 2014, 22:25, Aktualitet CNA

Nga Jemin GJANA

Qe Bujar Nishani, Basha dhe Rama qe “nuk ia kerkonte dot doreheqjen” Guvernatorit, por qe ia kerkon per cdo dite me inskenime indirekte doreheqjen vete Presidentit jane takuar mes tyre per te percjelle ne publik garanci per stabilitetin financiar te vendit eshte gje e mire. Aureola mbrojtese qe politika ndertoi lidhur me skandalin ne Banken e Shqiperise, ne emer te kujdesit ndaj stabilitetit financiar te vendit, e ka lene tashme nje shije te hidhur ne opinion. Ata qe mendojne e argumentojne ndryshe i kane mundesite ta verifikojne kete realitet qe ndofta mund t’u duket si pa lidhje. Te merret drejtesia, ishin deklaratat e leshuara per shume e shume dite me radhe. Deri ne arrestimin e Fullanit fjala ishte te godiste drejtesia mbi disa zyrtare te niveleve te dyta e te treta ne BSH dhe mbi nje numerues a inventarizues kartmonedhash, qe sic del nga filmimet, kur hynte per te vjedhur parate ngrinte syte drejt kamerave te sigurise qe te ishte plotesisht i identifikueshem nje dite. Edhe ne Qaf Krrabe me shume se nje dekade me pare drejtesia goditi mbi nje fshatar me gomar qe vodhi floririn. Kesaj radhe duket ishte fjala te behej drejtesi ndaj ca pak zyrtareve qe i kishim vene ne ca vende pune si Banka pa ua percaktuar rregullat e punes, duke lene hapesira per veprime e mos veprime qe sjellin kaos. Me arrestimin e Fullanit opinioni eshte mbarsur me nje thashethemnaje qe me se paku kerkon transparence. Drejtesia natyrisht do mbeshtetur qe te kete dore vertete te lire per te zbatuar korrektesisht ligjin. Por disa thashetheme, dhe une personalisht dua qe ato te jene vertete te tilla, dhe jo ruajna zot te kene te verteta brenda, duhet me perparesi, pa e demtuar hetimin te qartesohen.

A ka ndonje piste hetimi qe e lidhe vrasjen e Santos me skandalin e vjedhjes ne BSH? Une bej pjese te njerzit e zakonshem qe jam shprehur ne publik ndaj aktit terrorist te vrasjes se Santos. Nuk kam qene as shok e as mik i tij, por ndergjegja qytetare dhe kultura politike me impononte ta cmoja ate vrasje si nje kercenim ndaj atyre qe dine e disponojne ne boten e financave te vendit.

A ka nje inventar me te fundit,dhe kjo nuk do muaj te behet,per t’i thene opinionit te trazuar te qytetareve, ne se shuma e vjedhur eshte vetem 7.3 milion dollare, te cilat si vjedhje jane shume, por financat e vendit nuk mund t’i trondisin kurrsesi…apo shumat e vjedhura a te zhdukura ne drejtim te paditur jane shume pertej kesaj shifre sic perflitet poshte e lart?

A ka vertete njerez nga bota e biznesit,e politikes,e administrates,e medias e deri te antaret e Keshillit Mbikqyres qe kane marre kredi? Te marresh kredi eshte nje proces krejt normal. Por fjala eshte te kene marre si kredi shuma marramendese ne lek e valute, me interesa te ulta, te pajustifikuara si kredi marrje, te pakthyera kurre sipas rregullit bankar, apo e gjitha kjo eshte nje loje thashethemesh per te perbaltur njerez te ketyre segmenteve, qe edhe pse dallohen se jane shume te familjarizuar me parane, nuk kemi asnje te drejte t’i pergojojme pa fakte?

A mund te pohohet me gojen plot nga te dhenat e deritashme se leket qe shkonin per t’u djegur, nuk i nenshtroheshin rregullave strikte e te kontrollueshme, por te kete ngjare te jene perdorur per te investuar, per te bere bllogje pallatesh, per te ndertuar fshatra turistike per njerez te kamur nuk dime se si, etj etj, apo per me keq per te blere mandate, deri dhe mandate me shumice per ne Parlament, apo kjo eshte nje hiperbole si ne perrallat e nje mije e nje neteve qe nuk ka logjike normale ta pranoje?

Mua e tille me ngjan, por nese jane vertete logje tavolinash, dhe ne konsumojme shume kohe, fjale dhe logje neper tavolina kafeshe, gjeja eshte per t’i thene jo dhe jo, nuk ka ndodhur. Ka dhe jo pak ceshtje te tjera lidhur me kete skandal qe qarkullohen poshte e lart.

Ne eshte fjala vetem per 7.3 milion dollare te vjedhur nga disa braca ne BSH, eshte krejt e arsyeshme qe me kete ceshtje te merret Ramadani, Llalla, trupa e gjyqtareve dhe grupi i avokateve te paleve. Ne se ka te dhena pertej kesaj te gjitha instancat politikberese dhe vendim marrese te vendit nuk mund dhe nuk duhet te bejne lojen e strucit. Une jam nje prej atyre qytetareve te ketij vendi qe kam vendosur prej kohesh te jetoj ne Shqiperi me te gjithe familjaret e mi. Nuk leviz nga ky vendim. E kam dhene kete prove dhe me 1997, kur shume e shume merrnin arratine, te kem marre ne janar te atij viti rrugen e kthimit per ketu. Ajo ka qene nje kohe e rende. Nje vjedhje me 7 milion dollare nuk eshte e tille, eshte krejt pertej atij konteksti…por aludimet pezull per gjera shume me te renda, pertej shtates, me mbajne ne ankth si cdo qytetar te ketij vendi, i cili pertej retorikes dhe agjitpropit te perditshem qeveritar, sheh t’i ngushtohet si asnjehere ne keto dy dekada laku i pa mundesise ekonomike, renia drastike e qarkullimit ekonomik, renia gati e pabesueshme e aftesise blerese. Prandaj me se paku e pa vonese do e deshiroja transparencen perkundrejt ketyre trilleve thashethemesh qe sa me shume dite kalojne aq me shume shtohen. Une dua qe keto te jene vertete vetem trille, ne ndryshe mos o zot.