E fundit!

10:51 Aktualitet

Helmimi i kursantëve te Akademia e Sigurisë/ Reagon policia

Në orët e mbrëmjes së djeshme dhe në orët e para të mëngje...

Lenovo, prodhuesja më e madhe e kompjuterave

11 Shtator 2014, 08:11, Aktualitet CNA

Qysh nga viti 1984, kur u krijua kompania, deri më sot, Lenovo është shndërruar në një grup të madh me teknologji informative, duke zotëruar teknologji të shumëllojshme rinovuese. Yang Yuanqing është presidenti i grupit Lenovo. Ai prezanton veprimtarinë e saj:

Foto nga CFP

“Tani, mbi 60% të të ardhurave të Lenovo-s vijnë nga jashtë dhe mbi 70% e studimeve janë bërë në Kinë. Ndërkohë, 70% e punonjësve janë në Kinë dhe mbi 80% e prodhimeve bëhen në Kinë.”

Në vitin 2001, Lenovo paraqiti strategjinë e saj për ndërkombëtarizimin. Në vitin 2004, Lenovo realizoi me sukses blerjen e sektorit të komjuterave të kompanisë amerikane IBM. Megjithëse kjo blerje është përshkruar si “gjarpri ha elefantin “, produktet e Lenovo-s po mbulojnë mbarë botën me një shpejtësi shumë të madhe. Në fakt, vlera më e madhe e kësaj blerjeje është që Lenovo ka fituar një përhapje ndërkombëtare dhe është bërë një kompani e vërtetë ndërkombëtare. Për këtë, zv/presidenti i Lenovo-s, Chen Xudong u shpreh:

“Kjo blerje e ka ngritur shumë famën e markës sonë në mbarë botën. Në tregun amerikan, është rritur shumë numri i njerëzve që kanë qejf të blejnë komjuterin Lenovo. Më parë, ky nivel mbase ishte më pak se 10% dhe tani, besoj që mbi 50% e njerëzve do ta marrin kompjuterin Lenovo në konsideratë.”

Foto nga CFP

Megjithëse ka zotëruar vendin e parë në prodhimin e kompjuterëve në botë, me zhvillimin e shpejtë të internetit të lëvizshëm dhe për shkak të rënies së kërkesave për kompjuter tradicional, Lenovo, si kompani të tjera, po përballet me një sfidë të madhe. Iniciatori dhe krye-aksionari i Lenovo-s Liu Chuanzhi u shpreh:

“Jemi një kompani që prodhon pajisje. Sfida që po përballojmë është që përpara internetit të lëvizshëm, si të krijojmë një lidhje të ngushtë mes pajisjeve dhe shërbimeve.”

Sipas parashikimit, në vitin 2017, numri i aparateve SMART do të rritet në mbi 2.3 miliardë nga 1.5 miliardë që ishte në vitin 2013. Në këtë situatë, Lenovo ka kërkesë urgjente që të ketë përparime të mëdha në tregun e aparateve me teknologjinë SMART. Në vitin 2010, kompania Lenovo publikoi strategjinë e saj të internetit të lëvizshëm në Las Vegas të SHBA-së, duke shpallur produktet e brezit të parë që përshtaten me internet të lëvizshëm. Kështu, Lenovo ka formuar një motor të ri të rritjes së biznesit, si edhe një shtyllë tjetër për fitime më të mëdha. Presidenti i kompanisë Yang Yuanqing u shpreh që tani Lenovo mund të përballet me sfidat si një elefant që kërcen, i madh por i shkathët.

“Ne jo vetëm kemi garantuar vendin tonë drejtues në tregun e kompjuterit dhe nivelin e fitimeve, por edhe kemi zgjeruar biznesin në disa sektorë të rinj, si komjuter tablet, SMART phone, pajisje për ndërmarrje, server dhe pajisje memorie. Kështu, edhe pse biznesi i kompjuterit është zvogëluar, biznesi ynë i ri mund të plotësojë shpejt rritjen e sektorëve të vjetër. Gjithashtu, po përmirësojmë biznesin tonë të kompjuterit me teknologjinë më moderne, si dhe fitime më të mëdha. Kështu, kompania jonë po zhvillon në mënyrë të vazhdueshme dhe fitimet janë në rritje,” u shpreh Yang Yuanqing.

Foto nga CFP

Në Lenovo, kërkesa e konsumatorëve është bërë një nga motorët kryesorë që nxitin rinovimin e prodhimit. Departamenti i kërkimeve i kompanisë Lenovo në mënyrë të pandërprerë, po bën studime dhe kërkime për produkte më të mira për konsumatorët. Vitin e kaluar, vëllimi i përgjithshëm i shitjes së produkteve të ndryshme të Lenovo-s arriti në 115 milionë. Kjo do të thotë që 5 aparatet e Lenovos janë shitur brenda pothujase një sekonde.

Tani, Lenovo po planifikon të blejë Motorola Mobile nga kompania Google në fund të vitit 2014. Sipas të dhënave nga kompania IDC (International Data Company), pas kësaj blerjeje, Lenovo do të mbikalojë kompaninë kineze Huawei dhe do të renditet në vendin e 3-të në botë. Analisti i kompanisë IDC në Kinë Wang Jipinp prezantoi:

Foto nga CFP

“Kompania Lenovo ka zotëruar vendin e parë në tregun kinez, ndërsa në tregun ndërkombëtar biznesi i Lenovo-s është pothuajse zero. Kështu që, pas blerjes së kompanisë Motorola Mobile, Lenovo mund të formojë një grup ndërkombëtar shitjeje dhe të fitojë më shumë patenta dhe liçenca ndërkombëtare. Pastaj, Lenovo do të futet shpejt në Amerikën Veriore, Amerikën Latine dhe Europën Qendrore e Lindore.”

Me suksesin në kompjuter PC dhe celular, Lenovo po përpiqet edhe në fushën e komjuterit tablet. Synimi i saj është që të krijohet lidhja e duhur mes këtyre 3 platformave. Për këtë, Lenovo ka krijuar grupin e shërbimeve Cloud. Kjo do të thotë që kompania Lenovo në të ardhmen do të përmirësojë shërbimet Cloud, me të cilat njerëzit mund të ruajnë të gjitha informacione në një server të largët dhe t’i marrin në mënyrë të lirë mes terminaleve të ndryshme, si kompjuter dhe celular.

Foto nga CFP

Për të përballuar sfidat në kohën e internetit të lëvizshëm, përveç kompjuterit tablet të njohur Yoga, Lenovo ka krijuar edhe disa programe SMART për transmetimin e të dhënave mes platformave të ndryshme dixhitale, si Eggplant-Trans. Në një kohë mes ndryshimit dhe rinovimit të madh, Lenovo nuk do të ndalë hapat e saj.

“Me zhvillimin e internetit të lëvizshëm, ne kemi krjuar me teknologji të reja disa APP dhe softe të reja, që preferohen shumë në treg. Në të ardhmen, konsumatorët mund të shohin më shumë produkte rinovuese të Lenovo-s,” tha Yang Yuanqing, presidenti i grupit Lenovo./ CRI