E fundit!

07:23 Aktualitet

Kërcënoi pronarët në Tropojë/ Rama degjeneron ish-zv.ministrin socialist: E bënte rrumbullak gjumin në zyrë

Kryeministri Edi Rama ka nxjerrë mesazhet e ish-zëvendësmi...

Revanshi i Kavalierit

26 Korrik 2014, 22:05, Kosova & Bota CNA

Pablo Ordaz

El Pais

Tani, pas vendimit të gjykatës së shkallës së dytë për hedhjen poshtë të akuzave, lideri i Forza Italia ka nisur marrjen e revanshit. Po të gjykosh nga ajo që thonë mbështetësit e tij, hakmarrja e Berluskonit do të jetë e tmerrshme

Silvio Berluskoni ka marrë lajmin e parë të mirë prej shumë kohësh, dhe po e vë menjëherë në shfrytëzim. Gjykata e Apelit e Milanos ka shfuqizuar dënimin me shtatë vite për zhvatje dhe prostitucion me të mitura që prej 24 qershorit 2013 rëndonte mbi ish kryeministrin italian. Gjykatësit e kanë zhveshur Berluskonin nga akuza e zhvatjes ?sepse nuk ka fakte? dhe nga ajoe prostitucionit me minorene ?sepse fakti nuk përbën krim?. Gjykatësit kanë kohë deri në tetor për të motivuar vendimin.
Berluskoni, i cili ndërkohë po kryer dënimin si shërbyes social për mashtrim fiskal, ka komentuar: ?Jam thellësisht i prekur. Vetëm ata që kanë qenë pranë meje në këta vite e dinë se sa kam vuajtur nga një akuzë e padrejtë dhe fyese?.
Dënimi në shkallën e parë kishte qenë një goditje e rëndë: dënim me shtatë vite si dhe ndalim i përhershëm nga zyrat publike. Gjykata e Milanos kishte pranuar tezën e Ilda Boccassinit: Silvio Berluskoni kishte patur marrëdhënie seksuale me Karima El Marough ndonëse e dinte që vajza marokene ishte minorene, duke e paguar me shuma të mëdha parash dhe bizhuterish, dhe kur ajo u arrestua, kishte ushtruar pushtetin e tij të madh prej kreu të qeverisë për ta shpëtuar nga një problem me policinë.
Hamkarrja
Ai dënim e dëmtoi shumë Berluskonin. Jo vetëm për momentin kur u dha (në prag të dëbimit të tij nga Senati për dënimin në mënyrë definitive në procesin Mediaset, në lidhje me të drejtat televizive dhe përcarjen e qendrës së djathtë për shkak të largimit të partisë së Angelino Alfanos), por edhe sepse ishte konfirmimi zyrtar për një portret grotesk të njeriut që kishte udhëhequr politikën italiane në 20 vitet e fundit.
Për këtë arsye, heqja e dënimit është një dhuratë e bukur dhe e papritur për Berluskonin. Nëse Matteo Renzi e rigjallëroi politikisht disa muaj më parë, duke e takuar për të biseduar në lidhje me reformat për të cilat Italia ka nevojë, vendimi i shfajësimit e rehabiliton dhe e forcon në sytë e mbështetësve të tij. Lideri i Forza Italias është konsideruar i mbaruar më shumë se një herë. Por sot, në moshën 77 vjec, rikthehet të jetë një figurë e qenësishme e politikës italiane. Berluskoni dhe mbështetësit e tij po përgatisin hakmarrjen. Avokatët e Berluskonit kanë pranuar se vendimi shkon edhe përtej parashikimeve të tyre më të mirë. Edhe pse nuk e njohin ende motivacionin, imagjinojnë që gjykatësit kanë pranuar tezën, sipas të cilës kreu i atëhershëm i qeverisë nuk edinte faktin që Ruby ishte minorene kur e ftoi në festat e tij, dhe kur ndoshta pati marëdhënie seksuale me të. Marrëdhënie që vajza i ka mohuar gjithmonë.
Vendimi i shkallës së parë thoshte që, ndonëse e dine që vajza marokene nuk kishte mbushur ende 18 vjec, ish kryeministri e kishte ftuar dy herë në vilën e tij në Arcore dhe kishte patur marrëdhënie seksuale me të ?në këmbim të shumave të mëdha të parave si dhe bizhuterive?. Ky ishte motivi për dënimin për prostitucion me minorene.
Tani, pas vendimit të gjykatës së shkallës së dytë për hedhjen poshtë të akuzave, lideri i Forza Italia ka nisur marrjen e revanshit. Po të gjykosh nga ajo që thonë mbështetësit e tij, hakmarrja e Berluskonit do të jetë e tmerrshme.