web counter
LEXO PA REKLAMA!

SHKARKO APP

App Store
Google Play

Vrasësit e Santos u fshehën në Tiranë

21 Korrik 2014, 22:53, Aktualitet CNA

Kur po mbushet një muaj nga vrasja e bankierit Artan Santo, prokuroria dhe policia po shqyrtojnë të tjera të dhëna që mund të hedhin dritë mbi mënyrën se si janë zhdukur dy atentatorët me motor.

Burime nga grupi hetimor bëjnë të ditur se vrasësit kanë pasur bashkëpunëtorë në krim, të cilët i kanë ndihmuar ata të fshehin gjurmët në një kohë rekord.

Kamerat e sigurisë tregojnë motorin që largohet me shpejtësi nga zona e ?Librit Universitar? menjëherë pas vrasjes me drejtim Liqenin Artificial.

Më pas, pranë zonës së ?Komunës së Parisit?, ai nuk rezulton të jetë fiksuar më, raporton Vizion Plus.

Kjo ka shtuar dyshimet te prokurorët se autorët së bashku me motorin, mund të jenë strehuar në ndonjë banesë në lagje, apo mund të jenë futur në ndonjë furgon.

Ndërsa kontrollet e policisë në zonën e Bubqit pranë Fushë Krujës u bënë pas informacioneve paraprake se në rrugë ishte parë një motor i ngjashëm me atë të vrasësve, që po lëvizte me shpejtësi.

Paralelisht me mbledhjen e të dhënave që hedhin dritë mbi largimin e atentatorëve, po bëhet dhe marrja e dëshmive nga të gjithë bashkëpunëtorët e biznesmenit Santo, si dhe nga partnerët e tij në biznes.

Nën hetim për vrasjen e Santos ishin vetëm dy kushërinjtë Gjuzi nga Fushë Kruja, por ata u lanë të lirë me kërkesë të prokurorisë, pasi mungonin provat për implikimin e tyre.





Lajmet e fundit nga