web counter
LEXO PA REKLAMA!

SHKARKO APP

App Store
Google Play

E fundit!

x

Skandal/Zëvendësministrja e Mirëqenies Sociale dhe Rinisë, Bardhylka Kospiri, jep financim per fondacionin e saj

20 Korrik 2014, 17:53, Aktualitet CNA

Skandal në Ministrinë e Mirëqenies Sociale dhe Rinisë, e drejtuar nga Erjon Veliaj. Kjo ministri duket se po kthehet me shpejtësi në qendrën e gravitetit të korrupsionit. Zëvendësministrja e Mirëqenies Sociale dhe Rinisë, Bardhylka Kospiri, në konflikt të hapur interesi, i ka dhënë një fond prej 20 mijë eurosh fondacionit ku ka pasur punuar para se të emërohej në postin e zëvendësministres. Çfarë ka ndodhur? Zëvendësministrja e Mirëqenies Sociale dhe Rinisë, Bardhylka Kospiri, i ka dhënë znj. Blerta Cani një projekt me vlerë 20 mijë euro. Blerta Cani është drejtoreshë ekzekutive e fondacionit Albanian Disability Rights Foundation (ADRF) ose Fondacioni Shqiptar për të Drejtat e Personave me Aftësi të Kufizuara. Por, vetëm 10 muaj më parë, drejtoreshë e këtij ka qenë vetë zëvendësministrja, Bardhylka Kospiri. Pra, kjo e fundit ka caktuar Blera Canin në krye të fondacionit, ndërsa i jep fonde nga kredia e Bankës Botërore, pra nga paratë e taksapaguesve shqiptarë. Ndërkaq, vetë Bardhylka pohon se ka qenë anëtare e bordit të Fondacionit Shqiptar për të Drejtat e Personave me Aftësi të Kufizuara. Bëhet fjalë për një projekt për hartimin e kritereve të reja për përfitimin e aftësisë së kufizuar bazuar në modelin social dhe standardet ndërkombëtare.

?Projekti i modernizimit të asistencës sociale. Tiranë, më 12 Qershor 2014. Njoftim Fituesi. Referenca e prokurimit: Ref: SAMP/CS/IC/10-2014. Përshkrimi i shërbimit të konsulencës: ?Hartimi i kritereve të reja për përfitimin e aftësisë së kufizuar bazuar në modelin social dhe standardet ndërkombëtare?. Emri i Konsulentit: Znj. Blerta Cani (Drenofci). Adresa e Konsulentit: Rruga ?Bogdani?, Nr.19, Tirana, Albania, Tel:042269552/ 0682049160, e-mail: [email protected] Data e nënshkrimit të kontratës: 6 Qershor 2014. Vlera e kontratës: 20, 350 EUR (me taksa të përfshira). Periudha e shërbimit: Nga 6 Qershor 2014 deri ne 6 Shkurt 2015?, thuhet në njoftimin e ministrisë. 

Kush është FSHDPAK?

FSHDPAK është një organizatë shqiptare jofitimprurëse, themeluar nga OXFAM GB në vitin 1994. Programet e FSHDPAK, synojnë të rrisin shanset e personave me aftësi të kufizuara për t?u integruar në jetën sociale dhe ekonomike të vendit, përmes respektimit dhe mbrojtjes të së drejtave të tyre. Që nga krijimi i tij, FSHDPAK ka funksionuar si qendër koordinimi për ndërmarrjen e nismave më madhore në ndikim të përmirësimit të cilësisë së jetës për personat me aftësi të kufizuara në Shqipëri. ?Për të përmbushur misionin tonë, ne punojmë së bashku me dhe pa aftësi te kufizuar. Mbështetja e vazhdueshme që ne kemi nga organizata, donatorë, institucione shtetërore, na ndihmon të përmirësojmë punën tonë, të jemi sa më pranë nevojave  urgjente të klientëve tanë dhe komuniteteve për të cilat ne punojmë?, shkruhet në faqen e këtij fondacioni.  





Lajmet e fundit nga