web counter
LEXO PA REKLAMA!

SHKARKO APP

Izet Haxhia: Përse u zhduk telefoni i Azemit?

18 Korrik 2014, 10:08, Aktualitet CNA

Izet Haxhia, një prej njerëzve të akuzuar për përfshirjen në vrasjen e Azem Hajdarit, i është përgjigjur Fatmir Hajdarit.

Ai ka dërguar një koment në intervistën e kësaj të fundit tek gazeta DITA, ku e kundërshton atë.

Nga verifikimet e gazetës, rezulton se komenti është bërë nga Turqia, pikërisht ku ndodhet prej vitesh Haxhia.

Dhe, adresa e email-it është e njëjta me të cilin ai ka kominikuar me një gazetare.

Komenti bëhet akoma më i besueshëm, për shkak se ai ka shumë informacione mbi momentin e vrasjes së Azemit.

Ai shkruan se Azemit iu komunikua nga zyra e Berishës për makinën që ndodhej para PD-së.

Për këtë arsye, ai mori një pistoletë me silenciator dhe urdhëroi Sali Lushën që të merrte një kallashnikov.

Haxhia thotë se duke zbritur shkallët, Azemi merr në telefon një të njohurin e tij të cilin e kishte të regjistruar ne tel. me emrin Jovanoviç.

Ai hedh akuza se përse u zhduk telefoni i Azemit dhe pse nuk u hetuan 10 telefonatat e fundit të tij.

Haxhia shprehet se ka shumë gjëra për të thënë për këtë vrasje, por do ta bënte vetëm përpara një gjykate të pavarur.





Lajmet e fundit nga