E fundit!

15:42 Aktualitet

Protestuesit para selive/ Balla: Kush qëndron pas tyre e ka gabim, mund të çojnë në vëlla-përplasje

Kreu i grupit të Partisë Socialiste Taulant Balla ka kriti...

SHBA e shqetësuar për bllokimin e investimeve amerikane nga Koço Kokëdhima në Jug të Shqipërisë

16 Korrik 2014, 23:41, Aktualitet CNA

Ka një shqetësim në rritje nga Shtetet e Bashkuara të Amerikës për bllokimin dhe avancimin e ngadaltë të investimeve amerikane në Shqipëri, sidomos gjatë muajve të fundit, kur kanë ndryshuar si konjukturat politike ashtu edhe influencat në zona të caktuara, të favorshme dhe të përshtatshme për investime.

Më konkretisht, përfaqësues të Shteteve të Bashkuara të Amerikës, kanë shprehur shqetësimin në tryeza dhe rrethe politike për frenimin e investimeve amerikane nga influencat e Koço Kokëdhimës në Jug të Shqipërisë. Koço Kokëdhima, fijet e padukshme të të cilit janë shtrirë në të gjitha arteriet kryesore të ekonomisë, është kthyer sot në derë kryesore, nga ku duhet të kalojnë investimet e huaja në Shqipëri.

Nëse gjatë qeverisjes së Sali Berishës kishte një mekanizëm të sofistikuar korrupsioni ku kalonin investimet, tani gjithçka duket se sillet rreth Koço Kokëdhimës. Ky i fundit, sipas burimeve, është kthyer në pengesë edhe për investimet e planifikuara amerikane në Jug të vendit. Zona e bregdetit tashmë njihet edhe si zona ekskluzive e Koço Kokëdhimës, pa vendimin e të cilit nuk mund të kryhet asnjë investim. Por, Shtetet e Bashkuara të Amerikës duket se kanë vendosur që të mos e pranojnë një standard të tillë. Përfaqësues të SHBA kanë nisur të shprehin shqetësimet e tyre tek anëtarë të kabinetit qeveritar për rolin negativ që po luan Kokëdhima sa i takon projekteve të amerikanëve për të investuar në Shqipëri.

Fillimisht, ambasadori amerikan në Tiranë, Aleksandër Arvizu, e ka artikuluar shqetësimin në kabinete private, ndërsa më pas në takime zyrtare. Krahas ambasadorit amerikan, për investimet amerikane ka folur edhe Ndihmëssekretarja Amerikane e Shtetit, Victoria Nuland, e cila gjatë një vizite në Tiranë, tha se rritja e investimeve amerikane në Shqipëri lidhet ngushtë me shtetin ligjor, gjykatat dhe sigurinë. Ndërkaq, pikërisht këtë çështje, Një ditë pas deklaratave Nuland se Shtetet e Bashkuara janë të interesuara për më shumë investime në fushën e energjisë, ambasadori amerikan në Tiranë, Aleksandër Arvizu, ka zhvilluar dje një takim me ministrin e Energjetikës Damian Gjiknuri.

Takimi

Sipas njoftimit zyrtar, Arvizu dhe Gjiknuri diskutuan për gjetjen e formave të duhura për të thelluar bashkëpunimin mes dy vendeve në këtë fushë. Në takim, bën të ditur njoftimi është folur për investimet në sektorin e naftës dhe gazit projektin e gazsjellësit TAP dhe sektorin e hidro-karbureve në tërësi. Ambasadori Arvizu ka konfirmuar interesin e kompanive amerikane për garat që pritet të zhvillohen në fushën e hidro-karbureve, ndërsa Ministri Gjiknuri tha se qeveria mbështet dhe inkurajon investitorët amerikanë për të shfrytëzuar potencialet që ofron Shqipëria. USAID ndihmon sektorin e energjisë Gjatë takimit mes ministrit Damian Gjiknuri dhe ambasadorit amerikan, Aleksander Arvizu, u fol edhe për ndihmën e USAID-it në reformimin e sektorit të shpërndarjes së energjisë elektrike dhe rritjen e performancës së kompanisë pas shtetëzimit të plotë të saj. Ministri Gjiknuri gjeti rastin të inkurajojë investitorët amerikanë, që të mund të shfrytëzojnë potencialet e Shqipërisë për të kryer investime të cilat mund të çojnë përpara edhe zhvillimin ekonomik të vendit.

Gazeta SOT