E fundit!

19:39 Aktualitet

"Rama jepe dorëheqjen"/ Diaspora proteston në Bruksel

Diaspora po zhvillon sot një protestë përballë godinës së ...

Burgjet janë plot, ska më vende

20 Korrik 2014, 10:29, Aktualitet CNA

Në Shqipëri po shtohen masat kundër kriminalitetit. Numri i arrestimeve është rritur ndjeshëm dhe kjo ka vështirësuar strehimin e këtyre personave. Forcat e rendit po kryjenë herë pas here shtimin dhe rregullimin e mjediseve të paraburgimit, por rindërtimet dalin shpejt jashtë funksionit, për shkak të mbipopullimit. Shqipëria është kritikuar shpesh vitet e fundit për kushtet e rënda në stacionet policore.

Shtimi i punës së policisë kundër kriminalitetit ka rritur mjaft numrin e personave të arrestuar dhe ka vështirësuar strehimin e tyre në mjediset e paraburgimit. Për këto vështirësi Instituti Europian i Tiranës sapo ka publikuar një studim mbi gjendjen e reparteve policore të paraburgimit në të gjithë vendin. Në qendër të studimit është respektimi i të drejtave të njeriut në këto mjedise. Forcat e rendit po bëjnë të pamundurën që të përmirësojnë mjediset për trajtimin dinjitoz të të arrestuarve, thotë Sonila Pema Instituti Europian i Tiranës.

Përfaqësues të policisë shprehin angazhimin e tyre për zbatimin e Konventës kundër torturës dhe trajtimeve çrrenjëzore. Trajtimi i të arrestuarve është përmirësuar mjaft, por sipas tyre, rritja e numrit të personave të arrestuar, prej shtimit të punës policore duhet të shoqërohet edhe me masat për strehimin e tyre, thotë Gjovalin Loka drejtori i rendit publik në drejtorinë e përgjithshme të policisë

Forcat e rendit po shtojnë luftën ndaj kriminalitetit, por ndërkaq duhet të zbatojnë edhe manuali i rregullave standarte për trajtimin e personave të arrestuar. Investime jo të vogla janë bërë për këtë qëllim në më shumë se gjysmën e stacioneve policore të vendit. Investimi më i fundit në infrastrukturën policore ishte nxjerrja jashtë përdorimit të mjediseve të paraburgimit në stacionet policore, Librazhd, Pogradec, Sarandë, Delvinë, Tropojë, Has dhe Skrapar, shembja e një pjesë të këtyre objekteve dhe rindërtimi i tyre nga e para.