web counter
LEXO PA REKLAMA!

SHKARKO APP

App Store
Google Play

E fundit!

x

PAK: Mos miratoni ligjin “Veliaj”

21 Korrik 2014, 08:58, Aktualitet CNA

Personat me Aftësi të Kufizuar kërkuan nga Kuvendi të mos miratojë p/ligjin e paraqitur nga Ministria e Mirëqënies Sociale me argumentin se ai shkel të drejtat e tyre. Përmes një proteste të zhvilluar para Kuvendit, i është drejtuar një apel ligjvënësve të mos miratojnë draftin e paraqitur, i cili sipas tyre i heq ato të drejta që përfitojnë nga ligji ekzistues.

 ?Kërkojmë që ligji aktual të mos shfuqizohet. Ligji integral të mos kalojë në Kuvend. Ligjin që kemi pasur na mbron. Ligjin e ri e kanë bërë disa persona, ky ligj shkel të drejtat tona?, deklaroi Ali Plaka, zv.President i para-tetraplegjikeve.

Sipas tij personave me aftësi të kufizuara në projektligjin e ri të miratuar në parim në Komisionin e Çështjeve Sociale, u shkelen disa të drejta si ajo e strehimit apo e personit shoqërues.

?Nuk më jepet e drejta e strehimit, e punësimit e shoqëruesit. Që në hyrjen në spital na cënon ky ligj?, deklaroi Plaka.

Kryetari i PAK, Sinan Tafaj theksoi se të drejtat e fituara me projektligjin e ri rrezikohen të hiqen. Ai theksoi se ministri Veliaj dhe bashkëpunëtorët po përpiqen të përçajnë personat me aftësi të kufizuara.

?Ato që të drejta që ne kemi fituar do rrezikohen për tu hequr. Nuk jemi këtu për të ndonjë individ jemi për të mbrojtur të gjithë të drejtat tona. Ministri Veliaj dhe fondacionet që punojnë gjoja në emrin tonë kanë prodhuar baltë për ta hedhur mbi ne. Dje gjithë ditën dhë gjithë këto ditë kanë kontaktuar njerëz brenda grupeve tona për ti bindur ato për ti përçarë dhe për ti penguar për të ardhur në protestë.?, u shpreh Tafaj.





Lajmet e fundit nga