Izet Haxhia: Fatmir Haklaj morri peng Taulant Deden

20 Korrik 2014, 21:22, Aktualitet CNA

Në faqen online të DITA ka vijuar edhe dje të komentohet gjerësisht tema e vrasjes së Azem Hajdarit, e rihapur pas një interviste të gjatë të Jaho Mulosmanit nga qelia, pasuar nga një përgjigje e Fatmira Hajdarit, e më pas nga një replikë e Izet Haxhisë. Dje, mes komentuesve është futur sërish personi që prezantohet me emrin Izet Haxhia me IP turke dhe i përgjigjet ish-prokurorit të rrethit të Gramshit, Violent Çoniku, botuar nga DITA numrin e djeshëm. Më poshtë reagimi i tij i djeshëm në DITA online:

?Këtë prokuror nuk e kam takuar ndonjëherë, për herë të parë tani po i dëgjoj emrin. Përpara se të nisej për Gramsh për të marrë armët automatike model kallashnikov me qytë metalike, jo për tregti apo kontrabandë, se kontrabanda e armëve nuk bëhet me 15 armë të cilat sipas Halil Haklajt ja kishte gjetur një i afërm i tij? dhëndër i Mulosmanajve që punonte në policinë e Gramshit, Halil Haklaj m?u lut që ta shoqëroja në atë udhëtim për në Gramsh.

Unë i thashë që jam 24 orë nën vëzhgim të SHIK-ut dhe mund të jetë problematike për juve, por po i them vëllait tim Isamedinit që të vijë me juve. Të nesërmen kam marrë vesh nga lajmet në televizion që janë arrestuar Isamedini me Halilin me një sasi armësh në Gramsh në një kohë kur armët në atë kohë shiteshin në çdo cep të vendit në mënyrë të hapur sikur të ishe në një treg perimesh. Jam nisur menjëherë në Gramsh ku më kanë thënë se i kanë transferuar në burgun e Elbasanit.

Kur kam shkuar dhe pyetur në burgun e Elbasanit me ka çuditur fakti që vëllain tim Isamedinin e kishin regjistruar me emrin tim. Siç duket plani ishte që të arrestohesha unë me Halilin dhe mos vajtja ime prishi planin. I kam takuar disa herë të dy në burg, sepse Halilit nuk i vinte njeri në takim. Më kanë thënë që të interesohem për datën e gjyqit. Kam shkuar në Gramsh dhe kam takuar kryetaren e gjykatës, një grua që nuk më kujtohet emri. Më ka thënë që gjyqin do ta bëjmë në Tetor, pasi do të shkonte në një kurs kualifikimi në Itali. Ia kam komunikuar këtë vëllait tim Ismetit që punonte në komisariatin e B. Currit.

Pas kësaj Fatmir Haklaj i zemëruar me këtë ka marrë peng të plotfuqishmin e qeverisë në Tropojë, Taulant Dedja dhe i ka kërkuar nëpërmjet tij eprorëve të tij në Tiranë që të bëhej urgjentisht gjyqi i të dyve. Pas kësaj Fatos Klosi dhe Thimio Kondi kanë shkuar në Gramsh dhe pastaj në Durrës ku ndodhej me pushime kryetarja e gjykatës së Gramshit dhe i kanë kërkuar asaj që gjyqi të bëhej sa më parë. Dhe gjyqi është caktuar më datë 4 Shtator ku vëllai im Isamedini shpallet i pafajshëm dhe lirohet bashkë me Halilin i cili mori përsipër që armët ishin të vetat.

Pas lirimit të tyre jemi kthyer në Tiranë. Rrugës kemi ndaluar në Elbasan për të pirë kafe. Në kafen që ndodheshim ka ardhur një person që nuk e njihja, por që Halili e njihte dhe më vonë e mora vesh që ishte shefi i SHIK-ut të Elbasanit XHAVIT SHALA. Kam dëgjuar t?i thotë Halilit se keni të falat e shefit dhe më la për detyrë që t?ju shoqëroj deri në Tiranë. Vazhdon????? Izet Haxhiaj, Turqi?.