web counter
LEXO PA REKLAMA!

SHKARKO APP

App Store
Google Play

Ja akuzat e PD, ndaj Arben Ndokes

15 Korrik 2014, 09:14, Politikë CNA

Partia Demokratike ka depozituar në Prokurorinë e Përgjithshme dy padi ndaj deputetit socialist, Arben Ndoka, të parën për sulmin fizik dhe kërcënimet ndaj deputetit demokrat, Genti Strazimiri dhe të dytën për kërcënimin ndaj zëdhënëses së PD, Laura Vorpsi.

Në padinë për dhunën ndaj Genti Strazimirit thuhet se pas përfundimit të fjalimit në Kuvend, ku ka akuzuar kryeministrin Edi Rama se po vesh me pushtet njerëz të botës së krimit, deputeti demokrat ka dalë në korridor.

Në padinë e zbardhur nga Panorama thuhet se Ndoka e ka kërcënuar Strazimirin, duke i thënë ?do të vras?.

Ndërkohë demokratët kërkojnë që të verifikohet edhe sjellja e Edi Ramës, duke e akuzuar si organizator të akteve të dhunës në Kuvend ndaj deputetëve të opozitës.

Në padinë për kërcënimin ndaj zëdhënëses Laura Vorpsi, thuhet se Arben Ndoka i ka telefonuar asaj pesë herë përmes shërbimit Viber.

Vorpsi nuk i është përgjigjur në tre raste, pastaj në një rast ka hapur telefonin, por nuk ka pasur bisedë, kurse në rastin e fundit, ka pasur një bisedë prej 21 sekondash.

Pas një minute, Ndoka e ka marrë në telefon Vorpsin dhe biseda ka zgjatur katër minuta.

Sipas padisë, ai i ka kërkuar asaj që të mos bëjë asnjë deklaratë për shtyp lidhur me personin e tij.

?Deputeti socialist e ka kërcënuar Vorpsin se do të ketë pasoja të rënda për çdo person që bën deklarata kundër tij, ndërsa fjalët e tij kanë cenuar dinjitetin njerëzor të zëdhënëses së PD dhe i kanë shkaktuar tronditje të rëndë dhe frikësim,? thuhet në padi.





Lajmet e fundit nga