web counter
LEXO PA REKLAMA!

SHKARKO APP

App Store
Google Play

Çfarë fshihet pas ofertës 200 milionë dollarë, që Berisha u bëri Haklajve?

14 Korrik 2014, 10:20, Politikë CNA

Ka ngjallur shumë reagime intervista e Jaho Mulosmanit, të dënuar me burgim të përjetshëm për vrasjen e Azem Hajdarit.

?Vrasja e shekullit? vazhdon të jetë e mbushur me mister dhe Mulosmani, si çdo shqiptar, kërkon që kjo ngjarje të zbardhet plotësisht.

Gazeta Dita risjell intervistën e plotë dhe një shkrim shoqërues, duke theksuar mangësitë në këtë dosje, e cila ka shkuar edhe në Gjykatën e Strasburgut.

Por një detaj të bie në sy në dosjen e dërguar në Strasburg.

Sali Berisha duket se u ka ofruar Haklajve plot 200 milionë dollarë për të heshtur për këtë vrasje.

?Disa ditë pas vrasjes, aplikanti Salihi vijoi punën në komisariatin e Tropojës, atje ku mësoi se Berisha e kishte cilësuar atë si vrasësin e e Hajdarit. Të njëjtën ditë që mëson këtë fakt, ai takoi Fatmir Haklajn. Nga ana e tij, Haklaj i tha Salihit se Berisha i kishte ofruar atij (Fatmir Haklajt) 200 milionë dollarë amerikanë, me qëllim që të mos rrëfehej për përfshirjen e Haklajt në vrasje. Pas një muaji, Babai i Salihit dhe Fatmir Haklaj u vranë nga persona të panjohur dhe Salihi shkoi në Kosovë për t?u fshehur nga frika e ekzekutimit të tij. Ai i ka kërkuar zotit Berisha të paraqitej në gjyq dhe të shpjegonte marrëveshjen e tij prej 200 milionë dollarësh me Fatmir Haklajn,? thuhet në dosje.

Megjithatë Berisha nuk është përgjigjur në gjyq dhe deri më tani në këtë dosje mungon mbi të gjitha një autopsi zyrtare.

Ka vetëm një deklarim vullnetar të një mjeku, që pas ardhjes së PD në pushtet mori drejtimin e Institutit Mjekoligjor.





Lajmet e fundit nga