E fundit!

10:54 Aktualitet

Dosja Meta/ Sot seanca në GJKKO, mbështetësit e ish-presidentit para gjykatës

Sot në GJKKO do të zhvillohet seanca ndaj ish-Presidentit ...

Ndoka: Kam qenë drejtor i Berishës

11 Korrik 2014, 21:49, Politikë CNA

Deputeti socialist, Arben Ndoka, reagoi pas deklaratës së opozitës, e cila hedhr dyshime për të kaluarën e tij.

Ndoka thotë se dikur Sali Berisha i përgëzonte për votat që i siguronin ata si fis.

Madje ai thotë se nëse ka qenë kriminel, pse PD e ka emëruar drejtor.

?Sot dëgjuat dërdëllitjet e radhës të opozitës, e cila, në vend që të kryejë misionin e saj si një opozitë kostruktive dhe të kontribuojë në reformat që po ndërmerren në vënd, është katandisur në një grupim të rëndomtë njerëzish, të cilët mendojnë gjithë natën se çfarë vreri të derdhin ditën për maxhorancën.

Dhe vreri i radhës ishte kundër meje, duke konfirmuar sërish rolin e rëndomtë që ka kjo opozitë për demokracionë e vëndit tonë. Por opozita është aq e impenjuar në ?misionin? e saj të rëndomtë sa harron të mbajë në konsideratë shumë fakte. Disa nga faktet që doja të përmëndja pa dashur të zgjatem shumë duke rënë në nivelin në të cilin ka rënë opozita e sotme, është se vetë lideri i mazhorancës së asaj kohe na përgëzonte dhe vlerësonte mbështetjen dhe votat që i siguronte fisi jonë në qarkun e Lezhës dhe jo vetëm.

Dua t?i kthej në memorie opozitës se në kohën që ajo qeveriste, emërimi i Arben Ndokës si drejtor në një nga institucionet e rëndësishme të vendit mbante firmën e ministrit të tij dhe të Sekretarit Organizativ të Partisë Demokratike.

Si ka mundësi që Partia Demokratike i ka kërkuar një ?krimineli? si Arben Ndoka që t?i përfaqësojë në zgjedhjet lokale për bashkinë e qytetit Lezhë?!

Ja pra të dashur miq, ky është niveli në të cilin është katandisur opozita e sotme. Kur njerëzit i nevojiten për votat që kanë apo kur i leverdis të mburren me rezultatet e arritura në kryerjen e detyrave shtetërore, i bëjnë ato heronj, ndërsa kur njerëzve iu hapen sytë dhe kuptojnë që investimi i tyre politik ka qenë i gabuar dhe në dëm të qytetarëve, duke përkrahur një alternativë të gabuar, siç është opozita e sotme, atëhere ata i quajnë ato kriminelë e ju venë lloj- lloj epitetesh duke u bërë vegla të liderëve të tyre politikë apo shpirtërorë.

Ju bëj thirrje të gjithë përfaqësuesve të opozitës që të distancohen nga çmenduritë e radhës dhe të mos bëhen vegla, duke shpifur dhe duke vjellë vrer vetëm për t?i hyrë në zemër liderëve të tyre apo për t?u bërë faktor në prag të zgjedhjeve brenda opozitës, por të fokusohen dhe të japin kontributin e tyre në misionin që i takon opozitës duke kontribuar për reformat dhe demokracinë në vend,? shkruan Ndoka në FB.