web counter
LEXO PA REKLAMA!

SHKARKO APP

App Store
Google Play

E fundit!

x

Basha: Ndërpresim marrëdhëniet me Kuvendin, është bërë strehë e krimit

10 Korrik 2014, 17:02, Politikë CNA

PD vendos që të bojkotojë Kuvendin, pas incidentit të radhës mes deputetit demokrat, Genti Strazimiri dhe dy deputetëve të majtë.

Vendimi u mor pas një mbledhje të grupit parlamentar të PD.

Duke folur pas mbledhjes, kryetari i PD, Lulzim Basha tha se Kuvendi është kthyer në strehën e krimit.

?Goditën opozitën, dhunuan fizikisht Genti Strazimirin. Sapo kishte përfunduar fjalën e tij, shprehu gjendjen e mjerueshme të rendit dhe krimit dhe përgjegjësitë politike të dyshes Rama- Meta për këtë situatë. Menjëherë pas fjalës së tij, Edi Rama urdhëroi banditë të veshur me mandat deputeti të dhunonin fjalën e lirë, deputetin Strazimiri, si një akt kërcënimi për të shuar fjalën e lirisë edhe në tempullin e demokracisë që duhet të jetë Kuvendi?, tha Basha.

?Kemi muaj që denoncojmë me fakte dhe prova depërtimin e krimit në qeveri, parlament dhe institucione, denoncuam zhbërjen e policisë së shtetit, në vend të reflektimit erdhi përkeqësimi që sot është i prekshëm për çdo qytetar. Denoncuam të implikuarit, narkotrafikantët që Edi Rama dhe Ilir Meta i veshën me pushtet, asnjë reflektim. Denoncuam lidhjet e tyre me narkotrafikun, por pazaret e pista e kthyen në një farsë luftën kundër narkotrafikut ndërkohë që bosët vijojnë të luftojnë për të zgjerur tregjet. Denoncuam kapjen e institucioneve të pavarura, por sot duket qartë se kjo është një strategji e mirëfilltë që i ka fillesat tek 2009, për të kapur pushtetin me çdo kusht, për të aktivizuar krimin. Kjo aleancë e krimit mori formë pas 23 qershorit, kur u veshën me pushtet njerëzit e krimit?, vijoi kryetari i PD-së, Basha.

?Një oligarki kriminale mafioze që përpiqet të zëvendësojë pushtetin e qytetarëve sot. Ky skenar u finalizua me goditjen e opozitës parlamentare. Ne kemi marrë vendim prej kohësh, përballje me çdo kusht dhe çmim për interesat e shqiptarëve, për të mos e devijuar Shqipërinë nga vlerat europine, drejt realitetit sirian. Sot në parlament u dha prova më skajore, që dyshja Rama-Meta ka krijuar një skenar dhune për t?i mbyllur gojën opozitës, e kanë të kotë, ne do vazhdojmë të denoncojmë, ti përballim me fytyrën e krimit që po merr peng aspiratat e atyre që i kanë votuar. Përballje dhëmbë për dhëmbë deri sa e keqja të mposhtet dhe e mira të triumfojë. Ndërpresim të gjitha marrëdhëniet me këtë strehë të krimit, përballemi me kriminelët e veshur me pushtet politik. Do zhgënjehen ata që mendojnë se na mbyllim gojën. PD janë në këmbë dhe në ballë të një beteje që do ta fitojmë?, nënvizoi Basha.





Lajmet e fundit nga