web counter
LEXO PA REKLAMA!

SHKARKO APP

App Store
Google Play

Grabiti 3 milionë euro te klientëve, 14 vite burg ish-drejtorit dhe ish-kryetarit te FRESSH

7 Korrik 2014, 09:13, Politikë CNA

Grabiti 3 milionë euro nga llogaritë bankare të 57 klientëve, të cilat i përdorte për lojëra fati. Kjo është historia e Blendi Topallit, ish-drejtues i një banke të nivelit të dytë, dhe ish kreu i FRESSH ne Devoll, i cili, në bashkëpunim me pesë punonjës të bankës, arriti të gjente mënyrën e vjeljes së lekëve nga llogaritë e klientëve të bankës. Ndërsa procesi gjyqësor ndodhet në fazën e konkluzioneve përfundimtare, nga ana e përfaqësuesit të akuzës është kërkuar në total ndëshkimi me 52 vjet burg, por në sajë të gjykimit të shkurtuar masa e dënimit ulet në 33 vjet burg.

Për ish-drejtuesin e bankës, Blendi Topalli, është kërkuar dënimi me 14 vjet burg, për Ervin Xhaxhin akuza ka kërkuar 12 vjet heqje lirie, 1 vit e 4 muaj burg për Fioralba Andrean, për Julian Koshon 2 vjet burg, e njëjta masë dënim edhe për Kimet Hoxhën e Lorenc Ballçon. Gjatë hetimit të brendshëm të bankës, është zbuluar se shtetasi Blendi Topalli, ka cenuar dhe ka vjedhur lekët nga 57 klientë të tjerë të bankës, në një shumë prej 2 852 954,52 euro, duke i tërhequr drejt për së drejti shumat e lekëve nga llogari, ose duke i transferuar në kundërshtim me ligjin, në llogari të personave të tjerë (të njohur të Blendi Topallit, të njohur, miq dhe të afërm të bashkëpunëtorit të tij Ervin Xhacit, apo personave të tjerë të njohur të personave që merreshin me lotari sportive.





Lajmet e fundit nga