web counter
LEXO PA REKLAMA!

SHKARKO APP

App Store
Google Play

PD protesta në Shtator

13 Korrik 2014, 13:01, Politikë CNA

Partia Demokratike do t?i rikthehet protestave me nisjen e sesionit të ri parlamentar. Në një kohë që forca më e madhe e opozitës po përfundon procesin e zgjedhjeve të brendshme, i cili do të përmbyllet me Kuvendin Kombëtar Zgjedhor nga ku do të votohen anëtarët e rinj të Këshillit Kombëtar si dhe do të miratohen ndryshimet statutore, demokratët kanë planifikuar që prej muajit shtator dhe në vijim të organizojnë një seri protestash në Tiranë dhe rrethe. Burime nga PD konfirmojnë se protestat do të kenë në qendër të tyre situatën ekonomike, e cila vlerësohet nga forca më e madhe opozitare, si shumë e rëndë.

Gjithashtu një tjetër motiv në këtë qëndrim është edhe mosmbajtja e premtimeve elektorale nga Qeveria, për të cilën opozita renditet mos realizimin e legalizimeve falas, mosmbajtjen e premtimit për shëndetësi falas, mosuljen e taksave, mos mbajtjen e premtimeve për hapjen e vendeve të reja të punës etj. Një tjetër arsye që do të përdoret nga drejtuesit e PD për thirrjen e mbështetësve të tyre në protest është edhe ajo të cilin zyrtarët e opozitës, e cilësojnë si lidhjet e mazhorancës me krimin dhe persona me të shkuar me precedent penalë. Burimet nga PD theksojnë se në dallim nga protestat e zhvilluara deri më tani, që janë mbajtur vetëm në Tiranë, ato do të shtrihen edhe në rrethe ku organizimi do t?I besohet drejtuesve të rinj të degëve dhe deputetëve sipas qarqeve.

Gjithashtu mësohet se PD do të mbështesë ccdo protest që do të organizohet nga grupime të caktuara shoqërore si ish-të përndjekurit politikë apo sindikatat e pavarura, të cilat gjithashtu kanë deklaruar organizimin e protestave duke filluar nga muaji shtator, që përkon me nisjen e sesionit të ri parlamentar, pas një ndërprerjeje të veprimtarisë së Kuvendit nga fundi i korrikut deri në mesin e shtatorit.





Lajmet e fundit nga