web counter
LEXO PA REKLAMA!

SHKARKO APP

App Store
Google Play

E fundit!

x

Vetting-u "pret" një tjetër kokë/ Shkarkohet prokurori i Elbasanit

14 Maj 2024, 09:56, Vetingu CNA
Vetting-u "pret" një tjetër kokë/ Shkarkohet prokurori
Prokurori i Elbasanit, Petref Asllani

Komisioni i Pavarur i Kualifikimit ka shkarkuar nga detyra prokurorin e Elbasanit, Petref Asllani.

Prokurori pati probleme me pasurinë në procesin e rivlerësimit. KPK vërejti deklarime të paqarta, kontrata kontradiktore mbi transaksionet dhe mungesë burimesh për pasurinë në shumën mbi 6 milionë lekë.

Trupa e vetting-ut ishte me kryetar Olsi Komiçin, anëtare Valbona Sanxhaktarin dhe relatore Firdes Shulin.

Asllani është përballur edhe më herët me dyshimet për pasurinë e tij.

Hetimet nisën pas kallëzimit të Inspektoriatit të Lartë të Deklarimit të Pasurive. Nga hetimet, në atë kohë rezultoi se prokurori Petref Asllani dhe gjyqtari Qani Hasa, në bashkëpunim me njëri-tjetrin, kishin gënjyer në deklarimin e pasurisë.

Bëhej fjalë për një apartament, i cili ishte në pronësi të prokurorit Petref Asllani dhe që, nëpërmjet një kredie të butë nga Enti i Banesave, dega Elbasan, i është shitur gjyqtarit Qani Hasa.

Por, nga hetimi i Prokurorisë së Tiranës rezultoi se gjyqtari Hasa, pavarësisht se ka deklaruar blerjen e apartamentit të prokurorit Asllani, në realitet kishte blerë një apartament në Tiranë.

Ndërkohë, prokurori Asllani, pavarësisht se kishte deklaruar se kishte marrë paratë nga Qani Hasa, sipas Prokurorisë së Tiranës nuk i kishte marrë ato para nga Hasa, por ka jetuar në atë apartament që prej vitit 2003, kur shtetasi Hasa ka deklaruar që e ka blerë, deri në vitin 2013, kur këtë apartament ia ka shitur një shtetasi tjetër.

Por pas shqyrtimit të çështjes Dhoma Penale në Gjykatën e Tiranës, vendosi të shpallë të pafajshëm prokurorin Petref Asllani dhe të dënojë gjyqtarin Hasa me 200 000 mijë lekë gjobë.

Prokurori Petref Asllani është denoncuar edhe për aspektin profesional në emisione investigative./ CNA





Lajmet e fundit nga