LEXO PA REKLAMA!

SHKARKO APP

Ngec në vetting prokurori i Dibrës

26 Shkurt 2024, 15:57, Vetingu CNA

Ngec në vetting prokurori i Dibrës

Kolegji i Posaçëm i Apelimit ka shkarkuar një tjetër prokuror.

Në procesin e vetting-ut ka ngecur prokurori i Dibrës, Urim Buci.

Urim Buci u konfirmua me shumicë votash më 27 prill 2023, por vendimi u ankimua në Kolegjin e Posaçëm të Apelimit mbi bazën e një rekomandimi të Operacionit Ndërkombëtar të Monitorimit.

Komisionerja Irena Nino hodhi dyshime për pasurinë dhe për konflikt interesi.

Sa i përket pasurisë, komisionerja evidentoi një tokë arë dhe një godinë 3-katëshe me papafingo. Ajo tha se kishte deklarime kontradiktore lidhur me vlerën e ndërtimit dhe burimet e përdorura.

Nino deklaroi se subjekti nuk ka arritur të provojë ligjshmërinë e burimeve të pretenduara si të ardhura nga emigracioni në Mbretërinë e Bashkuar. 

Ndërsa konflikti i interesit, ajo tha se lidhet me një kontratë qiradhënieje mes prokurorit dhe Bashkisë Kamëz, konkretisht të dhënies së katit të parë të banesës për një kopsht fëmijësh.

Sipas saj, Buci ndodhet në kushtet e konfliktit të interesit dhe ndalimit për të përfituar të mira, fonde publike nga kontratat publike.

Urim Buci është një nga prokurorët që pati në dorë dosjen 184, të vjedhjes së votave.

Prokurori i Dibrës thuajse përgjysmoi numrin e personave të akuzuar dhe kërkoi pushimin e hetimeve për ish-kryebashkiakun socialist të Dibrës, Dionis Imeraj, biznesmenin Imer Lala, Arben Keshin (familjarin e anëtares së KLP, Esmeralda Keshit), Bekim Krashin dhe Afrim Milkin./ CNA

Lajmet e fundit nga