web counter
LEXO PA REKLAMA!

SHKARKO APP

App Store
Google Play

E fundit!

x

Vajza vëmendje/ Këto janë modelet e çantave të sezonit Pranverë–Verë 2023

29 Janar 2023, 16:02, Trending CNA
Vajza vëmendje/ Këto janë modelet e çantave të
Foto ilustruese

Kjo është periudha magjike për të gjithë ata që punojnë në shfaqjet e modës.  Stilistët e famshëm  prezantojnë krijimet e tyre më spektakolare dhe pritshmëria është shumë e madhe.

Sezoni pranverë-verë 2023 është plot ide. Ndër të gjithë aksesorët, bien në sy çantat ikonike, të çmuara dhe të rafinuara. Padyshim të denja për pasarelat e modës.

Një nga çantat më ikonike është ajo e Kelly nga Hermes.

Janë shumë të pëlqyera modelet e reduktuara në nuancat neutrale, si dhe ato me shumë ngjyra. Mund të kombinohen me gjithçka, me kostum por edhe me xhinse dhe atlete.

Chanel 22 është çanta më e fundit e lançuar, e krijuar për të qenë shoqja besnike e çdo gruaje në jetën e saj të përditshme. Ky sezon ishte me të vërtetë kudo, dhe fituese dolën modelet e reduktuara në tonet pastel dhe shumë të ndezura.

Ndër çantat “street style”,( stili i rrugës) mini Jodie nga Bottega Veneta është tashmë një siguri. Në rrugët e Parisit janë vërejtur versione shumë të çmuara të kësaj çante, modele që kanë nxjerrë në pah anën e saj më të sofistikuar: të endura me lëkurë ari, apo të zbukuruara me aplikime dhe temina.

Klasikët e mëdhenj si Chanel 11.12 vazhdojnë të mbretërojnë, por me ngjyra të ndezura

Çanta “Dior” , një ikonë e viteve 2000, e ringjallur disa sezone më parë nga shtëpitë e modës, është ndër çantat më të pëlqyera, veçanërisht në versionin e saj monogram.

Lady Dior, një çantë kushtuar Zonjës së paharrueshme Diana , sot merr konotacione gjithnjë e më bashkëkohore.

Surpriza e madhe e sezonit ishte çanta “Anatomy” e “Schiaparelli”. Ndër të gjitha modelet ajo u dallua për dizajnin e saj unik është e stolisur me tiparet e një fytyre më afër një vepre arti sesa një aksesor.

Edhe çanta Secret nga Schiaparelli , me drynin ikonë, simboli i shtëpisë së modës që nga viti 1935, spikati mes edicioneve të kufizuara dhe ngjyrave të ndezura./ CNA.al





Lajmet e fundit nga