web counter
LEXO PA REKLAMA!

SHKARKO APP

App Store
Google Play

Twitter rikthen llogaritë e pezulluara të gazetarëve

17 Dhjetor 2022, 15:47, Tech CNA
Twitter rikthen llogaritë e pezulluara të gazetarëve
Foto ilustruese

Biznesmeni miliarder, Elon Musk ka bërë me dije se do t’i rikthehen në Twitter disa prej gazetarëve që ai ka pezulluar nga platforma e medoave sociale, Twitter.

Gazetarët e New York Times, CNN dhe Washington Post mes atyre që u bllokuan nga llogaritë e tyre, pasi Musk i akuzoi për ndarjen e të dhënave të vendndodhjes rreth tij. Por pas kritikave, bëri një sondazh duke pyetur ndjekësit nëse llogaritë e gazetarëve duhet të riktheheshin, nga rezultatet  59% e 3.6 milionëve që morën pjesë votuan për heqjen e ndalimit menjëherë.

Disa nga gazetarët e suspenduar në Twitter kishin raportuar për incidentin që përfshinte llogarinë e gjurmimit të avionëve. Pas pezullimeve, organe të tilla si BE dhe OKB, si dhe qeveritë dhe gazetarët, e dënuan masën."Liria e medias nuk është një lodër," tha nënsekretarja e përgjithshme e OKB-së Melissa Fleming. “Shtypi i lirë është gur themeli i shoqërive demokratike dhe një mjet kyç në luftën kundër dezinformatave të dëmshme”.Komisionerja e BE-së Vera Jourova e kishte kërcënuar Tëitter-in me sanksione sipas Aktit të ri të Shërbimeve Dixhitale të Evropës, i cili tha se kërkon "respektimin e lirisë së medias dhe të drejtave themelore".

Që kur mori drejtimin në Twitter, Musk ka bërë një sërë ndryshimesh në praktikat e tij të moderimit.Ai ka rivendosur një sërë llogarish të ndaluara më parë, duke përfshirë profilin e ish-presidentit Donald Trump, i cili u ndalua pas kryengritjes së 6 janarit në Kapitolin e SHBA.

CEO i Tesla ka shkurtuar gjithashtu stafin e kompanisë së mediave sociale dhe thuhet se ka ndaluar pagesën e qirasë për disa nga zyrat e Tëitter, duke përfshirë selinë e kompanisë në San Francisko, sipas New York Times./ CNA.al





Lajmet e fundit nga