web counter
LEXO PA REKLAMA!

SHKARKO APP

App Store
Google Play

E fundit!

x

Moti i ftohtë ndikon në jetëgjatësinë e baterisë së telefonit tuaj/ Zbuloni arsyen pse

10 Dhjetor 2022, 14:25, Tech CNA
Moti i ftohtë ndikon në jetëgjatësinë e baterisë
Foto ilustruese

Temperaturat e ulëta nuk janë shumë në favor të iPhone-it tuaj. Ashtu sikurse temperaturat e larta, po ashtu edhe moti i ftohtë ndikon në jetëgjatësinë e baterisë së telefonit tuaj. Disa nga shenjat më problematike që mund të shfaqë telefoni juaj është mosmbajtja e karikimit si dhe mund të keni probleme në ndezjen e telefonit.

Kjo nuk është një dukuri e pazakontë. Apple madje ka një faqe të veçantë mbështetjeje të dedikuar për të shpjeguar problemin. "Kushtet e motit me temperaturë të ulët ose të lartë mund të bëjnë që pajisja të ndryshojë sjelljen e saj për të rregulluar temperaturën e saj," shkruan prodhuesi i iPhone.

"Përdorimi i një pajisjeje iOS në kushte shumë të ftohta jashtë gamës së saj të funksionimit mund të shkurtojë përkohësisht jetëgjatësinë e baterisë."

Apple shton se temperaturat shumë të ftohta "mund të bëjnë që pajisja të fiket".

Faqja e mbështetjes vazhdon: "Jetëgjatësia e baterisë do të kthehet në normale kur ta ktheni pajisjen në temperatura më të larta të ambientit."

Pse moti i ftohtë ndikon në bateritë e telefonit?

iPhone juaj –dhe telefonat inteligjentë të tjerë gjithashtu –përdorin bateri litium-jon. Këto bateri përmbajnë një lëng elektrolit. Nëse bën shumë ftohtë, ky lëng mund të kristalizohet. Nëse kjo ndodh, energjia elektrike nuk mund të rrjedhë siç duhet përmes baterisë./ CNA.al





Lajmet e fundit nga