"Snapchat", në kushte tepër sfiduese/ Bien aksionet

22 Korrik 2022, 10:09, Tech CNA
"Snapchat", në kushte tepër sfiduese/ Bien aksionet
Foto ilustruese

Platforma "Snapchat" siç duket ndodhet në vështirësi ekonomike pasi po përballet me kushte tepër sfiduese. Kjo ka ndikuar menjëherë në rënien e aksioneve.

Firma ka theksuar se reklamuesit kanë shkurtuar shpenzimet pasi po përballen me ndërprerje të zinxhirit të furnizimit. Aksionet e "Snapchat"-it pësuan një rënie prej 25% në bursën e New Yorkut.

Pas mbylljes së tregjeve amerikane "Snap" raportoi për tre muajt e fundit të ardhura prej 1.11 miliardë dollarësh.

Kjo rrjedhi pasi disa nga reklamuesit e saj kishin shkurtuar shpenzimet pasi u përballën me kostot në rritje, ndërprerja e zinxhirit të furnizimit si dhe me mungesën e fuqisë punëtore.

Por është interesant dhe një fakt tjetër pasi deri në fund të muajit qershor përdoruesit aktivë të përditshëm në "Snapchat" u rriten në 347 milionë,  fakt ky që ishte jashtë çdo lloj parashikimi./CNA.al

 

 

 

Lajmet e fundit nga