"Instagram" vjen me risi të reja/ Nëpërmjet "chat"-it mund të kryhet blerje

21 Korrik 2022, 10:36, Tech CNA
"Instagram" vjen me risi të reja/ Nëpërmjet
Foto ilustruese

"Instagram"-i, i cili i ka kaluar tashmë 1 miliard përdorues, është shndërruar në një prej kanaleve më të rëndësishme të marketingut.

Ai tashmë vjen me një risi të re që do të jetë e dobishme për të gjithë ata që blejnë online. Nëpërmjet këtij opsioni mund të bleni nëpërmjet "chat"-it dhe është gjithashtu i disponueshëm për ‘bizneset e vogla të kualifikuara’.

Përmes ndërfaqes së bisedës dhe nëpërmjet këtij opsioni përdoruesi do të jetë në gjendje të konfirmojë porosinë e tij, të krijojë një kërkesë-pagesë ose të marrë pagesën.

Por si lindi ky funksion i ri?

"Meta", kompania mëmë e "Instagram"-it, pretendon se një miliard njerëz dërgojnë mesazhe në profile biznesi çdo javë në familjen e saj të aplikacioneve dhe nisur nga ky fakt, "Instagram" dëshiron të përmirësojë përvojën e përdoruesve me bizneset e tyre të preferuara. Dhe kështu “lindi” një funksion i ri.

Për një produkt që ju pëlqen ju duhet të kontaktoni me shitësin përmes mesazheve direkte në "Instagram". Më pas mund të porosisni në "chat". Përveç kësaj, falë kësaj risie është e mundur t’i bëni pyetje shtesë shitësit në të njëjtën bisedë, si dhe të ndiqni dërgesën.

E njëjta gjë vlen edhe për bizneset, të cilët mund t’u përgjigjen pyetjeve të klientëve në kohë reale, të konfirmojnë detajet e blerjes, të krijojnë kërkesa për pagesa me një foto produkti dhe çmimin dhe më pas të marrin pagesën, të gjitha në mesazhe direkte./CNA.al

 

 

 

Lajmet e fundit nga